ବାଲିଗୁଡ଼ା,୨୦/୪: ବାଲିଗୁଡ଼ା ପୋଲିସକୁ ବଡ଼ ସଫଳତା । ନାଇଟ୍ କର୍ଫ୍ୟୁ ବେଳେ ଦାମୀ ଗାଡ଼ିରେ ଗଞ୍ଜେଇ ଚୋରାଚାଲାଣ ମହଙ୍ଗା ପଡ଼ିଲା । ପୋଟ୍ରୋଲିଂ ବେଳେ ମାଦିନାଟ ନିକଟରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୋଲିସ୍ । ଗୋଟିଏ ଇନୋଭା କାର୍ ଓ ଗୋଟିଏ ବୋଲେରସହ ଦୁଇଜଣ ମାଫିଆଙ୍କୁ ଗିରଫକରି କୋର୍ଟ ଚାଲାଣ କରିଛି ପୋଲିସ୍ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୧୩ଲକ୍ଷ ୬୦ହଜାର ଟଙ୍କା ହେବ ଏବଂ ଏହା ବାଲିଗୁଡ଼ା ରୁ ଭୁବନେଶ୍ୱର ଚାଲାଣ ହେଉଥିବା ପୋଲିସ୍ ପକ୍ଷରୁ ସୂଚନା ମିଳିଛି । ଗିରଫ ଦୁଇଜଣ ମାଫିଆ ବାଲିଗୁଡ଼ା ଥାନା କାମ୍ପଡ଼ା ଅଞ୍ଚଳର ସମିର ଦିଗାଲ ଓ ଭୁବନେଶ୍ୱର ଶୈଳେଶ୍ରୀବିହାରର ମନୋରଞ୍ଜନ ରାଉତ ହୋଇଥିବା ଜଣାପଡ଼ିଛି । ସୂଚନା ପ୍ରକାରେ କରୋନା ସଂକ୍ରମଣକୁ ଚେକ୍ ଦେବାପାଇଁ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଉଛନ୍ତି । ବର୍ତ୍ତମାନ ସମୟରେ ସବୁ ସହରାଞ୍ଚଳରେ ନାଇଟ୍ କର୍ଫ୍ୟୁ ଆରମ୍ଭ ହୋଇଛି । ରାତ୍ରୀ କାଳୀନ କର୍ଫ୍ୟୁ କୁ ସଫଳ କରିବାପାଇଁ ବାଲିଗୁଡ଼ା ପୋଲିସ୍ ପକ୍ଷରୁ ପେଟ୍ରୋଲିଂ ଓ ଚେକିଂ ବ୍ୟବସ୍ଥାକୁ କଡ଼ାକଡ଼ି ଯାଇଛି । ନାଇଟ୍ କର୍ଫ୍ୟୁ ରେ କମ୍ ସଂଖ୍ୟକ ଗାଡ଼ି ଚଳାଚଳ କରୁଥିବା ବେଳେ ଏହାର ସୁଯୋଗ ନେଇ ମାଫିଆ ଚୋରାଚାଲାଣ କରୁଥିବା ବେଳେ ପୋଲିସ ବିପୁଳ ପରିମାଣର ଗଞ୍ଜେଇ ସହ ଗୋଟିଏ ଇନୋଭା କାର୍ ଓ ଗୋଟିଏ ବୋଲେରୋ ଜବତ୍ କରିଛି ପୋଲିସ୍ । ଏଥିସହିତ ଦୁଇଜଣ ମାଫିଆଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ ।