ସମ୍ବଲପୁର,
ମହାନଗର ନିଗମରେ କାର୍ଯ୍ଯରତ ସଫେଇ କର୍ମୀଙ୍କ ବିଭିନ୍ନ ସମସ୍ୟା ରହିଥିଲେ ମଧ୍ୟ କର୍ତ୍ତୃପକ୍ଷ ଏଦିଗରେ ଆଦୌ ଦୃଷ୍ଟି ଦେଉ ନ ଥିବା ଅଭିଯୋଗ ରହିଛି । ଏଣୁ ସେମାନେ ତାଙ୍କର ସମସ୍ୟା ଗୁଡିକର ସମାଧାନ ଦାବି ରେ ଆନ୍ଦୋଳନ କରିଥିଲେ । ସମ୍ବଲପୁର ମହା ନଗର ନିଗମ ସଫେଇ କର୍ମଚାରୀ ୟୁନିୟନ୍ ସଭାପତି ତଥା ଏନଏଫଆଇଟିୟୁ ରାଜ୍ୟ ସଭାପତି ପ୍ରଶାନ୍ତ ପାଢ଼ୀଙ୍କ ନେତୃତ୍ବରେ ଗୋପାଲ ବେହେରା, ମୁରଲୀ ଗଣ୍ଡ, ଜୁଗୁନୁ ଛୁରା, ମନୋଜ ନାଗ୍, ଶାନ୍ତି ବେହେରା, ମୁନୁ ତାଣ୍ଡିଆ, ବୈଷ୍ଣବ କଲେତ୍ତ, ନିଶା ମହାନନ୍ଦ, ସମାରୁ ସେନ୍ଦ୍ରିଆ, କଙ୍ଗଲୁ ଶେନ୍ଦ୍ରିଆ, ରାଜେଶ୍ କୁମାର, ରିତେନ୍ ଗଣ୍ଡ ପ୍ରମୁଖ ସହିତ ଅନ୍ୟ ସଫେଇ କର୍ମୀମାନେ ନିଗମ ଆୟୁକ୍ତ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ଆୟୁକ୍ତ ଅନିରୁଦ୍ଧ ପ୍ରଧାନ, ଉପାୟୁକ୍ତ ଅଞ୍ଜଳିନୀ ପ୍ରଧାନ, ଜିଲ୍ଲାପାଳ, ଯୁଗ୍ମ ଶ୍ରମ ଆୟୁକ୍ତ, ଜିଲ୍ଲା ଶ୍ରମ ଅଧିକାରୀ ଙ୍କୁ ସେମାନେ ଦାବିପତ୍ର ପ୍ରଦାନ କରିଥିଲେ । ଅନ୍ୟ ମୁଖ୍ୟ ଦାବିଗୁଡିକ ସହିତ ନିଗମ ରେ ଖାଲିଥିବା ପଦବୀ ଗୁଡ଼ିକ ଶୀଘ୍ର ପୂରଣ କରା ନଗଲେ ଆଗାମୀ ଦିନରେ ଆନ୍ଦୋଳନ ତୀବ୍ରତର କରାଯିବ ବୋଲି ଶ୍ରୀ ପାଢ଼ୀ ଜଣାଇଛନ୍ତି ।