ଫୁଲବାଣୀ: ମଙ୍ଗଳବାର ସ୍ଥାନୀୟ ପ୍ରଦକ୍ଷଣ ଗୃହଠାରେ କନ୍ଧମାଳ ସାଂସଦ ଡ.ଅଚ୍ୟୁତ ସାମନ୍ତଙ୍କ ସହ ସ୍ଥାନୀୟ ଜିଲ୍ଲା ପ୍ରେସ କ୍ଳବ ଫୁଲବାଣୀର ସଭାପତି ତଥା ବରିଷ୍ଠ ସାମ୍ବାଦିକ ସୁନୀଲ ପଟ୍ଟନାୟକଙ୍କ ନେତୃତ୍ୱରେ ନବନିର୍ବାଚିତ କର୍ମକର୍ତ୍ତାମାନେ ସୌଜନ୍ୟମୂଳକ ସାକ୍ଷାତ କରିବା ସହ କନ୍ଧମାଳ ଜିଲ୍ଲାର ବିକାଶମୂଳକ କାର୍ଯ୍ୟ ଯେଭଳି ତ୍ୱରାନ୍ୱିତ ହୋଇପାରିବ ସେନେଇ ଆଲୋଚନା କରିଥିଲେ । କନ୍ଧମାଳ ସାଂସଦ ଡ. ସାମନ୍ତ ପ୍ରେସ କ୍ଳବର ନୂତନ କର୍ମକର୍ତ୍ତାମାନଙ୍କୁ ସମ୍ବର୍ଦ୍ଧନା ଜଣାଇବା ସହ ଜିଲ୍ଲାର ବିକାଶମୂଳକ କାର୍ଯ୍ୟରେ ସହଯୋଗ କରିବାକୁ କହିଥିଲେ । ପ୍ରେସ କ୍ଲବ୍ ପକ୍ଷରୁ ମଧ୍ୟ ସାଂସଦ ଡ.ଅଚ୍ୟୁତ ସାମନ୍ତଙ୍କ ବିକାଶମୂଳକ କାର୍ଯ୍ୟ ଓ ଚିନ୍ତାଧାରାକୁ ସମ୍ମାନ ଜଣାଇବା ସହ ସାଂସଦଙ୍କୁ ପୂର୍ଣ୍ଣ ସହଯୋଗ କରିବେ ବୋଲି ସଭାପତି ସୁନୀଲ ପଟ୍ଟନାୟକ ପ୍ରତିଶୃତି ଦେଇଥିଲେ । ସେହିପରି ସାଂସଦ ଡ. ସାମନ୍ତ ମଧ୍ୟ ଅନୁରୂପ ଭାବେ ପ୍ରେସକ୍ଲବକୁ ଆନ୍ତରୀକତାର ସହ ସହ ଯୋଗ କରିବେ ବୋଲି କହିଛନ୍ତି ।
ଆସନ୍ତା ଅକ୍ଟୋବର ୨ ତାରିଖ ପବିତ୍ର ଗାନ୍ଧୀ ଜୟନ୍ତୀ ଅବସରରେ ପ୍ରେସ କ୍ଲବର ନୂତନ ଗୃହର ଶୁଭ ଉଦଘାଟନ କରିବା ସହ କନ୍ଧମାଳ ଜିଲ୍ଲାର ବିକାଶ ସଂପର୍କିତ ଏକ ଆଲୋଚନା ଚକ୍ରରେ ମଧ୍ୟ ଯୋଗ ଦେବେ ବୋଲି ପ୍ରତିଶୃତି ଦେଇଛନ୍ତି । ଫଳରେ ଶେଷ ପ୍ରର୍ଯ୍ୟାୟରେ ପହଞ୍ଚିଥିବା ନୂତନ ଗୃହକାର୍ଯ୍ୟ ତୁରନ୍ତ ସାରିବା ଲାଗି ମ୍ୟୁନିସିପାଲଟି କାର୍ଯ୍ୟନିର୍ବାହୀ ଅଧିକାରୀଙ୍କୁ ମଧ୍ୟ ନିର୍ଦ୍ଦେଶ ଦେବେ ବୋଲି କହିଥିଲେ । ସାଂସଦ ଡ. ସାମନ୍ତଙ୍କ ସହ ସାମ୍ବାଦିକମାନଙ୍କ ସୌହାର୍ଦ୍ଦ୍ୟପୂର୍ଣ୍ଣ ଆଲୋଚନା ହୋଇଥିବାରୁ ସଂପାଦକ ପ୍ରଶାନ୍ତ ବେହେରା ସାଂସଦଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।
ଅନ୍ୟମାନଙ୍କ ମଧ୍ୟରେ ପ୍ରେସ କ୍ଳବର କାର୍ଯ୍ୟକାରୀ ସଭାପତି ଅଶୋକ ପରିଡା, ଉପସଭାପତି ସୁନୀଲ ବିଶ୍ୱାଳ, ସତ୍ୟନାରାୟଣ ବେହେରା, ସମ୍ପାଦକ ପ୍ରଶାନ୍ତ କୁମାର ବେହେରା, ସହ ସଂପାଦକ ରମେଶ ପ୍ରଧାନ, ଶିବା ନନ୍ଦ ପଟ୍ଟନାୟକ, ଜୟସେନ ପରିଡ଼ା, ଆଦିତ୍ୟ ପ୍ରସାଦ ତ୍ରିପାଠୀ,ସୂର୍ଯ୍ୟ ନାରାୟଣ ବେହେରା, ଶିବ ବିଶ୍ୱାଳ, ପ୍ରମୁଖଙ୍କ ସମେତ ବହୁ ସାମ୍ବାଦିକ ଓ କ୍ୟାମେରା ମେନ ଉପସ୍ଥିତ ଥିଲେ ।