ଜହ୍ନାପଙ୍କ: ବୌଦ୍ଧ ବ୍ଲକ ଅନ୍ତର୍ଗତ ବହିରା ସେବାସମବାୟ ସମିତି ସଭାପତି ନିର୍ବାଚନରେ ଆଜି ପୂର୍ବତନ ବ୍ଲକ ଅଧ୍ୟକ୍ଷ ପୟୋଧର ମହାକୁଳ ଲାଗାତର ତୃତୀୟ ଥର ପାଇଁ ନିର୍ଦ୍ୱନ୍ଦରେ ନିର୍ବାଚିତ ହୋଇଛନ୍ତି ।ଶ୍ରୀଯୁକ୍ତ ମହାକୁଳ ଜଣେ ଚାଷୀ ଓ ରାଜନୈତିକ ପରିବାରର ସଦସ୍ୟ ଅଟନ୍ତି । ତାଙ୍କ ପିତା ସ୍ୱର୍ଗତ ଫକୀର ଚରଣ ମହାକୁଳ ବହିରା ଗ୍ରା.ପର ପ୍ରଥମ ସରପଞ୍ଚ ଓ ଅବିଭକ୍ତ ଫୁଲବାଣୀ ଜିଲ୍ଲାରୁ ସେ କୃତୀ ସରପଞ୍ଚ ଭାବେ ରାଜ୍ୟସ୍ତରରେ ପୁରସ୍କୃତ ହୋଇଥିଲେ । ସଭାପତି ଭାବେ ନିର୍ବାଚିତ ହୋଇଥିବା ପୟୋଧର ମହାକୁଳ କେବଳ ସେବା ସମବାୟ ସମିତି ନୁହେଁ ପାଣି ପଂଚାୟତ ଅଧ୍ୟକ୍ଷ ଭାବେ ମଧ୍ୟ ଦୁଇଥର ନିର୍ବାଚିତ ହୋଇଆସୁଛନ୍ତି । ସେ ନିର୍ବାଚିତ ହେବା ପରେ ବହିରା, ଅଇଁଳାପାଲି, ଗୋଛାପଡା, ବ୍ରାହ୍ମଣୀପାଲି ପଂଚାୟତର ବିଭିନ୍ନ ଗ୍ରାମର ଚାଷୀ ମାନଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି ।ଅନ୍ୟମାନଙ୍କ ମଧ୍ୟରେ ସୁଶାନ୍ତ ବାଘ, ଯୀଶୁ ପ୍ରଧାନ, ପଞ୍ଚାନନ ସାହୁ,ଖଟାଙ୍ଗ ମହାକୁଳ, ପ୍ରତାପ ବାରିକ, ଉତ୍ତମ ବାରିକ, କୃପାସିନ୍ଧୁ ପ୍ରଧାନ, ସୁଶୀଲ କର୍ଣ୍ଣ, ଅନିରୁଦ୍ଧ ଉର୍ମା, ସତ୍ୟନାରାୟଣ ନାଏକ, ବିନୋଦ ବାଦୀ, ମୈଥିଳି ପ୍ରଧାନ,ବିପିନ ଦାସ ଓ ଭଗବତୀ ନାଏକ ସମିତିର ସଦସ୍ୟ ଭାବେ ନିର୍ବାଚିତ ହୋଇଛନ୍ତି ।