ଘୁ. ଉଦୟଗିରି , ୨୫/୬ – ଘୁ.ଉଦୟଗିରି ଅଧୀନରେ ଥିବା କଳିଙ୍ଗା ଗ୍ରାମ ପଞ୍ଚାୟତର ଗଦିଙ୍ଗିଆ ଛକ ନିକଟରର ଭାରସାମ୍ୟ ହରେଇ ଦୁଇ ବାଇକ ମୁହାଁମୁହିଁ ଧକ୍କା ହେବା ଫଳରେ ୨ ଜଣ ଆହତ ହୋଇଛନ୍ତି ।ସେଥିମଧ୍ୟରୁ ଜଣଙ୍କର ଅବସ୍ଥା ଗୁରୁତର ଥିବାରୁ ଫୁଲବାଣୀ ମେଡିକାଲକୁ ଅଧିକ ଚିକିତ୍ସା ପାଇଁ ପଠାଯାଇଥିବା ଦେଖିବାକୁ ମିଳିଛି । ଗୁରୁତର ଆହତ ହେଇଥିବା ବ୍ୟକ୍ତି କଳିଙ୍ଗା ପଂଚାୟତର ଦୁଗୁଡିପାରିର ବୋଲି ଜଣା ପଡ଼ିଛି ଏବଂ ସେ ଜଣେ ସାମ୍ବାଦିକ ବୋଲି ଏକ ପରିଚୟ ପତ୍ର ତାଙ୍କ ପାଖରେ ଥିବା ଦେଖିବାକୁ ମିଳିଛି । ଗତକାଲି ରାତି. ପ୍ରାୟ ୧୦ଟାବେଳେ ହୋଇଥିବା ସୂଚନା ରହିଛି । ଖବର ପାଇ ଘୁ ଉଦୟଗିରି ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଘୁ ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ଏବଂ ପ୍ରାଥମିକ ଚିକିତ୍ସା ପରେ ଗୁରୁତର ଥିବା ଆନନ୍ଦ ପ୍ରଧାନଙ୍କୁ ଫୁଲବାଣୀ ଅଧିକ ଚିକିତ୍ସା ପାଇଁ ପଠାଯାଇଥିବା ଦେଖିବାକୁ ମିଳିଛି ।
ଅନ୍ୟ ଜଣେ ଆହତକୁ ଘୁ ଉଦୟଗିରି ସ୍ୱାସ୍ଥ୍ୟ କେନ୍ଦ୍ରରେ ପ୍ରାର୍ଥମିକ ଚିକିତ୍ସା କରାଯାଇଛି । ବ୍ୟକ୍ତି ଜଣକ ଡ୍ରାଇଭର ଓ ତାଙ୍କ ନାମ ରାମ୍ବୁ ଦିଗାଲ 23 ବର୍ଷ ବୋଲି ପ୍ରକାଶ କରିଛନ୍ତି ।