ଚମ୍ପୁଆ: ଚମ୍ପୁଆ ତହସିଲଦାର ଧର୍ମେନ୍ଦ୍ର ଶତପଥିଙ୍କ ନିର୍ଦ୍ଦେଶକ୍ରମେ ଆଜି ଅତିରିକ୍ତ ତହସିଲଦାର ପ୍ରତିକ୍ଷା ପ୍ରିୟଦର୍ଶନି ଓ ରାଜସ୍ୱ ନୀରିକ୍ଷକ ସମ୍ପଦ କୁମାର ପ୍ରଧାନ ବିଭିନ୍ନ ସ୍ଥାନରେ ଚଢଉ କରି ଟ୍ରାଂଜିଟ ପାସ ନଥିବା ୩ ଗୋଟି ହାଇୱା ଓ ୨ ଗୋଟି ଟ୍ରାକ୍ଟରକୁ ଜବତ କରିଥିବା ଜଣାଯାଇଛି । ସୂଚନା ଅନୁସାରେ ଆଜି ଭୋର ସମୟରେ ଚମ୍ପୁଆରୁ ରିମୁଳି ରାସ୍ତାରେ ଚିପ୍ସ୍ ବୋଝେଇ ୩ ଗୋଟି ହାଇୱା ଗାଡି ଓ ବାଲି ବୋଝେଇ ହୋଇଥିବା ୨ ଗୋଟି ଟ୍ରାକ୍ଟରକୁ ଧରି ଟ୍ରାଂଜିଟ ପାସ ମଗାଯାଇଥିଲେ ମଧ୍ୟ ତାହା ସେମାନେ ଦେଖାଇପାରିନଥିଲେ । ଫଳରେ ବିଭାଗ ପକ୍ଷରୁ ହାଇୱା ଗୁଡିକୁ ଚମ୍ପୁଆ ଥାନାରେ ଜିମା ଦେବା ସହିତ ଟ୍ରାକ୍ଟର ଗୁଡିକୁ ୨୫ ହଜାର ଟଙ୍କା ଲେଖାଏଁ ଫାଇନ କରାଯାଇଥିବା ଜଣାଯାଇଛି ।