ଦଶପଲ୍ଲା: ଦଶପଲ୍ଲା ବ୍ଲକ ଅନ୍ତର୍ଗତ ତୁମାଣ୍ଡି ପଞ୍ଚାୟତର ପଞ୍ଚାୟତ ହାଇସ୍କୁଲ, ତୁମାଣ୍ଡିର ହାଇସ୍କୁଲ ଓ ପଡିଆ ଚତୁପାର୍ଶ୍ୱରେ ବ୍ୟାପକ ବୃକ୍ଷରୋପଣ କାର୍ଯ୍ୟକ୍ରମର ଆଜି ଶୁଭାରମ୍ଭ ହୋଇଛି । ଦଶପଲ୍ଲା ବ୍ଲକ ଅଧ୍ୟକ୍ଷା ସୁନନ୍ଦା ସାହୁ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି । ସର୍ବପ୍ରଥମେ ବ୍ଲକ ଅଧ୍ୟକ୍ଷା ସୁନନ୍ଦା ସାହୁ ଓ ପୂର୍ବତନ ବ୍ଳକ ଅଧ୍ୟକ୍ଷ ଉପେନ୍ଦ୍ର କୁମାର ସାହୁ ପୂଜାପାଠ ପରେ ପ୍ରଥମେ ବୃକ୍ଷରୋପଣ କରିଥିଲେ । ସମ୍ବାଦ ସାହିତ୍ୟ ଘର ବୃକ୍ଷରୋପଣ ଅଭିଯାନ ଓ ବିଦ୍ୟାଳୟର ମିଳିତ ସହଯୋଗରେ ଆୟୋଜିତ କାର୍ଯ୍ୟକ୍ରମର ସରପଂଚ ମିତାରାନୀ ମାଝୀ, ସମିତିସଭ୍ୟା ଅନୁପମା ମଲ୍ଲିକ, ଶିକ୍ଷାବିତ୍ ସରୋଜ କୁମାର ନାୟକ, ପୂର୍ବତନ ବ୍ଳକ ଅଧ୍ୟକ୍ଷ ପ୍ରସନ୍ନ କୁମାର ପଣ୍ଡା, ଆଡଭୋକେଟ ଶରତଚନ୍ଦ୍ର ବେହେରା, ଅବସରପ୍ରାପ୍ତ ବନପାଳ ପ୍ରଫୁଲ କୁମାର ଦାଶ, ସାଂସଦ ପ୍ରତିନିଧି ପ୍ରସନ୍ନ କୁମାର ସାହୁ, ବରିଷ୍ଠ ନାଗରିକ ମଂଚ ସଭାପତି ପ୍ରାଣକୃଷ୍ଣ ବେହେରା, ବିଶିଷ୍ଠ କବି ଓ ସାମ୍ବାଦିକ ରତ୍ନାକର ହୋତା , ପରିଚାଳନା କମିଟି କର୍ମକର୍ତ୍ତା, ବିଦ୍ୟାଳୟର ପ୍ରଧାନଶିକ୍ଷକ ଓ ଶିକ୍ଷକ କର୍ମଚାରୀ, ଛାତ୍ରଛାତ୍ରୀ ଓ ବହୁ ମାନ୍ୟଗଣ୍ୟ ଅତିଥି ଉପସ୍ଥିତ ଥିଲେ । ସାମ୍ବାଦିକ ପ୍ରଫୁଲ କୁମାର ପଣ୍ଡା ସଂଯୋଜନା କରିଥିଲେ ।