ଫୁଲବାଣୀ, ୨୬/୧୦ – କନ୍ଧମାଳ ଜିଲ୍ଲା ଟିକାବାଲି ଥାନା ଅନ୍ତର୍ଗତ ଏଲ ବପଲମେଣ୍ଡି ଡେଲିପଙ୍ଗା ଗ୍ରାମର ଯୁବକ କାହ୍ନା ନାୟକ(୨୦)ଗତକାଲି ଅପରାହ୍ନ ୪ ଟା ବେଳେ ଏକ ନୂତନ ପାଇଖାନା ଟାଙ୍କି ର ଢଳେଇ ଖୋଲିବାକୁ ଯାଇଥିବାବେଳେ ଭିତରେ ଶ୍ୱାସରୁଦ୍ଧ ହୋଇ ପଡ଼ିଥିଲେ।ପରିବାର ଲୋକେ ତୁରନ୍ତ ଖଜୁରୀପଡା ଅଗ୍ନିଶମ କୁ ସୂଚନା ପରେ ଅଗ୍ନିଶମ ବାହିନୀ ତୁରନ୍ତ ଘଟଣା ସ୍ଥଳରୁ ଉଦ୍ଧାର କରି ଖଜୁରୀପଡା ସ୍ଵାସ୍ଥ କେନ୍ଦ୍ର କୁ ଆଣିଥିବା ବେଳେ ଡାକ୍ତର ମୃତ ଘୋଷଣା କରିବାସହ ପୋଲିସକୁ ସୁଚନା ଦେଇଥିଲେ। ପରେ ଖଜୁରୀପଡା ପୋଲିସ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ଜିଲା ମୁଖ୍ୟଚିକିତ୍ସାଳୟକୁ ପଠେଇଛନ୍ତି। ଗତକାଲି ହିଁ ମୃତ କାହ୍ନାଙ୍କ ବାପା ପ୍ରଭାତ ନାୟକ ଏ ନେଇ ଖଜୁରୀପଡା ଥାନାରେ ଲିଖିତ ଭାବେ ଜଣାଇଥିବା ବେଳେ ଆଜି ଶବବ୍ୟବଚ୍ଛେଦ କରାଯିବ ବୋଲି ଖଜୁରୀପଡା ପୋଲିସ ସୂତ୍ରରୁ ଜଣାପଡ଼ିଛି।