ବାଲିଗୁଡ଼ା,୨୭/୭: ବାଲିଗୁଡ଼ା ପୋଲିସ୍ କୁ ମିଳିିଛି ବଡ ସଫଳତା । ବେଆଇନ୍ ଗଞ୍ଜେଇ ଚୋରାଚାଲାଣ ବେଳେ ବାଲିଗୁଡ଼ା ପୋଲିସ୍ ପକ୍ଷରୁ ଚଢ଼ାଉ । ଡିଏସପି ସ୍ବରାଜ ଦେବତାଙ୍କ ଅଧ୍ୟକ୍ଷତାରେ ପେଟ୍ରୋଲିଂ ଚାଲିଥିବା ସମୟରେ ବାଲିଗୁଡ଼ା ଥାନା କାମ୍ପଡ଼ା ଗ୍ରାମ ନିକଟରେ ଏକ ଗଞ୍ଜେଇ ଭର୍ତ୍ତି ହୁଣ୍ଡାଇ ଏକ୍ସସେଣ୍ଟ୍ କାର୍ ଜବତ କରିବାସହ ଜଣକୁ ଗିରଫ କରିଛି ପୋଲିସ୍ । କାର୍ ଭିତରୁ ୧୧୦କେଜି ୬୦୦ ଗ୍ରାମର ଗଞ୍ଜେଇ ଜବତ ହୋଇଥିବା ବେଳେ ଜବତ ଗଞ୍ଜେଇର ଆନୁମାନିକ ମୂଲ୍ୟ ୫ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ସେପଟେ ଗିରଫ ଚାଲାଣକାରୀ ଜଣକ କ.ନୂଆଗାଁ ଥାନା ଅଞ୍ଚଳର ପ୍ରଶାନ୍ତ ଦିଗାଲ ହୋଇଥିବା ପୋଲିସ୍ କହିଛି । ଅନ୍ୟପଟେ ବାଲିଗୁଡ଼ା ଅଞ୍ଚଳରେ ଦିନକୁଦିନ ଗଞ୍ଜେଇ ମାଫିଆଙ୍କ ପ୍ରାଦୁର୍ଭାବ ବଢ଼ି ଚାଲିଛି । ଏଣୁ ପୋଲିସ୍ ପକ୍ଷରୁ ପେଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏହି ଅଭିଯାନ ଆଗକୁ ମଧ୍ୟ ଜାରି ରହିବ ବୋଲି କହିଛନ୍ତି ଡିଏସପି ଦେବତା ।