ବୌଦ୍ଧ / ମନମୁଣ୍ଡା ,୧୯/୯ : ବୌଦ୍ଧ ଡ଼ିଏଫଓ ଯଶୋବନ୍ତ ସେଠୀଙ୍କ ନିର୍ଦ୍ଦେଶ କ୍ରମେ ମନମୁଣ୍ଡା ବନ ବିଭାଗ ପକ୍ଷରୁ ଆଜି ଭୋର ୫ ଟା ସମୟରେ ମନମୁଣ୍ଡା ଫରେଷ୍ଟ ରେଞ୍ଜ ଅନ୍ତର୍ଗତ ବୁକୁରାମୁଣ୍ଡା ଗ୍ରାମର ରମେଶ ପ୍ରସାଦ ମିଶ୍ରଙ୍କ ଘରେ ଚଢ଼ାଉ କରି ୧୬ ଖଣ୍ଡ ସ।ଗୁଆନ ଓ ଗମ୍ଭାରୀ ପଟ୍ଟା ଜବତ କରାଯାଇଛି। ଯାହାର ବଜାର ଦର ପ୍ରାୟ ୨୫ ହଜାର ଟଙ୍କା ହେବ ବୋଲି ବିଭାଗ ପକ୍ଷରୁ ସୂଚନା ମିଳିଛି। ଏହି ଚଢ଼ାଉରେ ଏସିଏଫ ଜିତେନ୍ଦ୍ର ବେହେରା, ମନମୁଣ୍ଡା ଫରେଷ୍ଟ ରେଞ୍ଜର ନାରାୟଣ ସ୍ୱାଇଁ, ଡେପୁଟି ରେଞ୍ଜର ପ୍ରଦୋଷ ମହାରଣା,ମୋବାଇଲ ଫରେଷ୍ଟର ଲିଙ୍ଗରାଜ ମାଝୀ, ଫରେଷ୍ଟ ଗାର୍ଡ ପିଙ୍କି ପାତ୍ର, ଦିଗାମ୍ବର ପ୍ରଧାନ, ଦୀପକ ପ୍ରଧାନ, ଜ୍ୟୋତି ରଞ୍ଜନ ବାରିକ ତଥା ଏପିଆର ସ୍କ୍ୱାର୍ଡ ସାମିଲ ଥିଲେ। ଏ ସମ୍ପର୍କରେ ମନମୁଣ୍ଡା ରେଞ୍ଜର ନାରାୟଣ ସ୍ୱାଇଁଙ୍କୁ ପଚାରିବାରୁ ପୂର୍ବରୁ ଏ ବିଷୟରେ ବୌଦ୍ଧ ଡ଼ିଏଫଓଙ୍କ ଠାରେ ଅଭିଯୋଗ ହୋଇଥିଲା।ତାଙ୍କ ନିର୍ଦ୍ଦେଶରେ ଆଜି ଚଢ଼ାଉ କରି ପଟ୍ଟା ଜବତ କରାଯାଇଛି।