ବୌଦ୍ଧ /ବlଉଁଶୁଣି,୨୭/୯- ଗତ ରାତି ପ୍ରାୟ 2 ଘଣ୍ଟା ସମୟରେ ଗୋଟିଏ ମୋବାଇଲ ଦୋକାନର କବାଟ ଭାଙ୍ଗି ଚୋରୀ ଉଦ୍ୟମ କରୁଥିବା ଅଭିଯୋଗ କରି ଜଣେ ଯୁବକଙ୍କୁ ସ୍ଥାନୀୟ ଲୋକେ ଉତ୍ତମ ମଧ୍ୟମ ଦେଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ବlଉଁଶୁଣି ଛକ ନିକଟରେ ଗୁନ୍ଦୁଲିଆ ରାସ୍ତାରେ ଥିବା ଗୋଟିଏ ମୋବାଇଲ ଦୋକାନର କବାଟ ଭାଙ୍ଗି ଦୁଇ ଜଣ ଯୁବକ ରାତି ପ୍ରାୟ 2 ଘଣ୍ଟା ସମୟରେ ଚୋରୀ ଉଦ୍ୟମ କରୁଥିଲେ | ପାଖ ପଡୋଶୀ ମାନେ ଦେଖି ତୁରନ୍ତ ଦୋକାନ ମାଲିକଙ୍କୁ ସୂଚନା ଦେଇଥିଲେ | ଦୋକାନ ମାଲିକ ଓ ସ୍ଥାନୀୟ ଲୋକ ଦୋକାନ ପାଖରେ ପହଞ୍ଚିବା ପରେ ଚୋର ମାନେ ଦଉଡି ଚମ୍ପଟ ମାରୁଥିବା ବେଳେ ଜଣେ ନିକଟସ୍ଥ ଡ୍ରେନରେ ପଡି ଯାଇଥିଲେ l ଲୋକେ ତାଙ୍କୁ କାବୁ କରି ନିର୍ଦ୍ଧୁମ ଛେଚିବା ସହ ବlଉଁଶୁଣି ଥାନା ଏ.ଏସ.ଆଇ. ଧନଞ୍ଜୟ ବେହେରାଙ୍କୁ ଡାକି ହସ୍ତାନ୍ତର କରିଥିଲେ | ଘଟଣାସ୍ଥଳରୁ କବାଟ ଭାଙ୍ଗିବାରେ ବ୍ୟବହୃତ ଲୁହା ରଡ଼, ଭଙ୍ଗା ତାଲା, ପଥର ଓ ଗୋଟିଏ ମୋବାଇଲ ପୋଲିସ୍ ଜବତ୍ କରିଛି | ଚୋରୀ ଅଭିଯୋଗରେ ଧରା ପଡିଥିବା ଯୁବକ ଜଣକ ସ୍ଥାନୀୟ ଗଡ଼ଭିତର ଅଂଚଳର ବୋଲି ଜଣାପଡିଛି l
ଉକ୍ତ ଘଟଣା ପରେ ଛକ ତଥା ବlଉଁଶୁଣି ବଜାର ଅଂଚଳରେ ହେଉଥିବା ପୋଲିସ୍ ପେଟ୍ରୋଲିଂଗ ବ୍ୟବସ୍ଥା କେତେ ସୁଦୃଢ ତାହା ପଦାରେ ପଡିଛି l ରାତି ପେଟ୍ରୋଲିଂଗ କରୁଥିବା କର୍ମଚାରୀ ମାନେ କିଭଳି ରାତି ଡ୍ୟୁଟି ନିର୍ବାହ କରୁଛନ୍ତି ତାର ମୁଖା ଖୋଲି ଖୋଲି ଯାଇଛି ବୋଲି ସ୍ଥାନୀୟ ଜନସାଧାରଣ ଓ ବ୍ୟବସାୟୀ ମହଲରେ ଆଲୋଚନା ହେଉଛି l