କାରକୁ ପଛରୁ ଧକ୍କା ଦେଲା ସ୍କୋର୍ପିଓ

ବୌଦ୍ଧ,୧୪/୨- ଆଜି ସନ୍ଧ୍ୟା ସମୟରେ ଜାତୀୟ ରାଜପଥ ନମ୍ବର 57ର ବୌଦ୍ଧ – ଚାରିଛକ୍ ରାସ୍ତାର ବୀରନରସିଂପୁର୍ ନର୍ସରୀ ନିକଟରେ ଏକ କାରକୁ ପଛରୁ ଗୋଟିଏ ସ୍କୋର୍ପିଓ ଧକ୍କା ଦେଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଏକ ହୋଣ୍ଡା ସିଟି କାର୍ ଓଡ଼ି 02 ବି ଜେ 7753 ରାସ୍ତାରେ ଯାଉଥିବା ବେଳେ ପଛ ପାଖରୁ ଦୃତ ଗତିରେ ଆସୁଥିବା ଏକ ସ୍କୋର୍ପିଓ ଜାତୀୟ ରାଜପଥ ନମ୍ବର 57ର ଖଜୁରିପଡା ନିକଟବର୍ତ୍ତୀ ନର୍ସରୀ ପାଖରେ ଧକ୍କା ଦେଇଥିଲା l ଫଳରେ କାର୍ ର ପଛ ପାଖ ଭାଙ୍ଗି ଯାଇଛି | ଦୁର୍ଘଟଣାରେ କେହି ମୃତାହତ ହୋଇ ନଥିବା ଜଣା ପଡିଛି l