ବୌଦ୍ଧ,୧୮/୫ – ସାରା ଜିଲ୍ଲାରେ କରୋନା ମହାମାରୀ ବର୍ତ୍ତମାନ ଭୟଙ୍କର ପରିସ୍ଥିତି ସୃଷ୍ଟି କରିଛି। ମାନବ ସମାଜ ବଂଚିବା ପାଇଁ ସଂଘର୍ଷ କରୁଥିବା ବେଳେ ପଶୁପକ୍ଷୀମାନେ ମଧ୍ଯ ଖାଦ୍ୟ ,ପିଇବା ପାଣି ପାଇଁ ହନ୍ତସନ୍ତ ହେଉଛନ୍ତି। ତେଣୁ ବୌଦ୍ଧ ଗର୍ଜନ ସେନା ତରଫରୁ “ପଶୁ ପକ୍ଷୀଙ୍କ ପାଇଁ କିଛି ସେବା କରିବା ଅଭିଯାନ” ଆରମ୍ଭ କରାଯାଇଛି। ବୌଦ୍ଧ ଜିଲାର ହରଭଙ୍ଗା ବ୍ଲକର ଶ୍ୟାମସୁନ୍ଦରପୁର ଗ୍ରାମ କୋଭିଡର ହଟସ୍ପଟ ସ୍ଥାନ ଭାବରେ ସରକାରଙ୍କ ଦ୍ବାରା ଚିହ୍ନଟ ହୋଇଛି । ଏପରି ସମୟରେ ଗର୍ଜନ ସେନାର ସ୍ବେଚ୍ଛାସେବୀ ଅଭିମନ୍ୟୁ ପ୍ରଧାନଙ୍କ ନେତୃତ୍ବରେ ବୁଲା ପଶୁପକ୍ଷୀ ମାନଙ୍କ ପାଇଁ ପିଇବା ପାଣି ପାଇଁ ଗ୍ରାମର ଚାରୋଟି ସ୍ଥାନରେ କୃତ୍ରିମ ଗର୍ତ୍ତ କରିଛନ୍ତି। ଏହି ମହତ କାର୍ଯ୍ୟରେ ମନୋଜ ଭୋକ୍ତା, କୁଶ ଭୋଇ, ଉତ୍ତମ ସେଠି ପ୍ରମୁଖ ସହଯୋଗ କରିଥିଲେ।