ବୌଦ୍ଧ /ବାଉଁଶୁଣୀ,୬/୩ – ବୌଦ୍ଧବ୍ଲକ ଜମଟାଙ୍ଗି ଗ୍ରାମରେ ମାଁ ମାହେଶ୍ୱରୀ କ୍ଲବ ତରଫରୁ ଆଜି ଜମଟାଙ୍ଗି ଗ୍ରାମରେ ମଦ ବନ୍ଦ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏ କାର୍ଯ୍ୟକ୍ରମରେ ଗ୍ରାମର ସମସ୍ତ ମହିଳା ସ୍ବୟଂ ସହାୟକ ଗୋଷ୍ଠୀ ସାମିଲ ହୋଇଥିଲେ | ଗ୍ରାମରେ କୁଚିଆ ମଦ କାରବାର କରୁଥିବା ଜଣେ ଚୋରା ମଦ ବେପାରୀଙ୍କୁ ମଦ ଯୋଗାଉ ଥିବା ବ୍ୟକ୍ତିଙ୍କ ଠାରୁ ମହିଳା ମାନେ 200 ଗୋଟି ମଦ ପାଉଚ ଜବତ୍ କରି କୁଚିଆ ଦୋକାନ ଆଗରେ ପୋଡ଼ି ଦେଇଥିଲେ | ଗ୍ରାମରେ ମଦ ବିକ୍ରୀ ବନ୍ଦ କରିବା ପାଇଁ ସ୍ଲୋଗାନ ଦେଇ ଗ୍ରାମ ପରିକ୍ରମା କରିଥିଲେ | ଆଜିର ମଦ ବିରୋଧି ଆନ୍ଦୋଳନ କାର୍ଯ୍ୟକ୍ରମରେ ଗ୍ରାମର ମା ସମଲେଶ୍ୱରୀ, ମା ସାରଳା, ଜୟ ଜଗନ୍ନାଥ, ଜୟ ମା ତାରିଣୀ , ଜୟ ଗଣେଶ, ମା ମହାଲକ୍ଷ୍ମୀ, ଜୟ ମା ସିଂହ ବାହିନୀ ଆଦି ମହିଳା ସ୍ବୟଂ ସହାୟକ ଗୋଷ୍ଠୀ ର ମହିଳା ସଦସ୍ୟା ମାନେ ସାମିଲ୍ ହୋଇଥିଲେ | ଗ୍ରାମର ୱାର୍ଡ ସଦସ୍ୟା ପୁଷ୍ପାଂଜଳି ଦନାୟକ୍, ମହେଶ୍ୱର ସାହୁ, ମା ମହେଶ୍ୱରୀ କ୍ଲବ୍ ସଭାପତି ପଦ୍ମ ଲୋଚନ ମହଲା, ରସାନନ୍ଦ ଭୋକ୍ତା, ପ୍ରଫୁଲ୍ଲ ଭୋକ୍ତା, ରଂଜିତ ସାହୁ, ଲଖିନ୍ଦ୍ର ଦେହୁରୀଙ୍କ ସମେତ ଜମଟାଙ୍ଗୀ ଗ୍ରାମର ଗ୍ରାମବାସୀ ସହାୟତା କରିଥିଲେ | ପୁର୍ବରୁ ଏ ସମ୍ପର୍କରେ ମନମୁଣ୍ଡା ଥାନା ରେ ଅଭିଯୋଗ ହୋଇଥିଲେ ମଧ୍ୟ ପୋଲିସ୍ କୌଣସି ପଦକ୍ଷେପ ନ ନେବାରୁ ନିଜେ ମହିଳାମାନେ ଅଣ୍ଟା ଭିଡ଼ିଥିବା ସୁଚନା ମିଳିଛି l