ବାଲିଗୁଡ଼ା,୨୧/୪: ଘରେ ଶୋଇଥିବା ବେଳେ ଧାରୁଆ ଅସ୍ତ୍ରରେ ଗଳା କାଟି ବୃଦ୍ଧଙ୍କୁ ନିର୍ମମ ଭାବେ ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି l ଏଭଳି ଘଟଣା ଘଟିଛି କନ୍ଧମାଳ ଜିଲ୍ଲା ତୁମୁଡିବନ୍ଧ ଥାନା ସିର୍ଲା ଗ୍ରାମ ପଞ୍ଚାୟତର ବିରିମିଲା ଗାଁ । ସୂଚନା ପ୍ରକାରେ ବିରିମିଲା ଗାଁ ର ଭକ୍ତି ପାଟମାଝୀ ଓ ବାମ୍ବୁରା ସୁକାମାଝୀଙ୍କ ମଧ୍ୟରେ ଜମିବାଡ଼ିକୁ ନେଇ ପୂର୍ବରୁ ଶତୃତା ଲାଗିରହିଥିଲା । କିଛି ଦିନ ପରେ ଭକ୍ତି ପଟ୍ଟମାଝୀ ଗୁଣିଗାରେଡ଼ି କରୁଥିବା କହିଥିଲା ବାମ୍ବୁରା । ଜମିବାଡ଼ି ବିବାଦ ଓ ଗୁଣିଗାରେଡ଼ି ସନ୍ଦେହକରି ଗତକାଲି ରାତିରେ ଏହି ହତ୍ୟାକାଣ୍ଡ ଘଟିଥିବା ଜଣାପଡ଼ିଛି । ଭକ୍ତି ପଟ୍ଟମାଝୀ ଘରେ ଶୋଇଥିବା ବେଳେ ସେହି ଗାଁ ର ବାମ୍ବୁରା ସୁକାମାଝି ଘରେ ପଶି ଧାରୁଆ ଅସ୍ତ୍ରରେ ଗଳାକାଟି ଅତି ନିର୍ମମ ଭାବେ ହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକ l ଖବରପାଇ ତୁମୁଡିବନ୍ଧ ପୋଲିସ୍ ଘଟଣାସ୍ଥଳରେ ପହଞ୍ଚି ଶବ ଜବତ କରି ଶବ ବ୍ୟବଚ୍ଛେଦ ପାଇଁ ତୁମୁଡ଼ିବନ୍ଧ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇବା ସହ ଅଭିଯୋଗ ପ୍ରକାରେ ଘଟଣାର ତଦନ୍ତ ଆରମ୍ଭ କରିଛି । ସେପଟେ ହତ୍ୟାକାଣ୍ଡ ଘଟାଇବା ପରେ ହତ୍ୟାକାରୀ ବାମ୍ବୁରା ସୁକାମାଝୀ ଘଟଣାସ୍ଥଳରୁ ଫେରାର୍ ହୋଇଯାଇଥିବା ଜଣାପଡ଼ିଛି । ଅଭିଯୁକ୍ତକୁ ଧରିବା ପାଇଁ ତନାଘନା ଆରମ୍ଭ କରିଛି ତୁମୁଡ଼ିବନ୍ଧ ପୋଲିସ୍ ।