ଘୁ ଉଦୟଗିରି : କନ୍ଧମାଳ ଜିଲ୍ଲା ଘୁ ଉଦୟଗିରି ୫ ନମ୍ବର ଯୋନ ନିମନ୍ତେ ଆଜି ବିଜେଡି ପକ୍ଷରୁ ପାର୍ଥୀ ଚୟନ କରାଯାଇଛି । ଘୁ ଉଦୟଗିରି ବ୍ଳକ ଅଧୀନରେ ଥିବା ଗ୍ରେସିଙ୍ଗିଆ ପଞ୍ଚାୟତ ନିବାସୀ ଡ଼ମେଙ୍ଗିନାଜୁ ଗ୍ରାମର ଲିଲିମା ପ୍ରଧାନ ବିଜେଡ଼ି ପକ୍ଷରୁ ୫ ନମ୍ବର ଯୋନ ନିମନ୍ତେ ଜିଲ୍ଲା ପରିଷଦ ପାଇଁ ପ୍ରତିଦ୍ୱନ୍ଦୀ କରିବେ । ସେହିପରି ଘୁ.ଉଦୟଗିରି ନିର୍ବାଚନ ମଣ୍ଡଳୀ ଅନ୍ତର୍ଗତ ୪ ଟି ବ୍ଲକର ୭ ଗୋଟି ଜିଲ୍ଲା ପରିଷଦ ଜୋନ ଆସନ ନିମନ୍ତେ, ଟିକାବାଲିରୁ ନମିତା କହଁର ଓ ସାଧବାଣୀ ନାୟକ, ରାଇକିଆରୁ ସୁନନ୍ଦା ବେହେରା ଓ ମମତାରାଣୀ ପ୍ରଧାନ ଓ ଦାରିଙ୍ଗବାଡିରୁ ରଞ୍ଜନ କୁମାର ପ୍ରଧାନ ଓ ରମାକାନ୍ତ ମାଝୀ, ପ୍ରାର୍ଥୀ/ପ୍ରାର୍ଥୀନୀ ଭାବେ ୭ ଜଣ ବାଲିଗୁଡା ଉପଖଣ୍ଡ ଉପଜିଲ୍ଲାପାଳ ତଥା ନିର୍ବାଚନ ଅଧିକାରୀଙ୍କ ନିକଟରେ ପ୍ରାର୍ଥୀପତ୍ର/ନାମାଙ୍କନ ଦାଖଲ କରିଛନ୍ତି । ଏହି ନାମାଙ୍କନ ଅବସରରେ ଦଳୀୟ ନେତୃବୃନ୍ଦ ଓ ସମର୍ଥକଙ୍କ ସମେତ ବିଧାୟକ ସାଲୁଗା ପ୍ରଧାନ, ଜିଲ୍ଲା ବିଜେଡ଼ି ସଭାପତି ସରୋଜ କର୍ଣ୍ଣ, ଉପ ପର୍ଯ୍ୟବେକ୍ଷକ କିଶୋର ମେହେର,ଜିଲ୍ଲା ସାଧାରଣ ସମ୍ପାଦକ କିଶର ଚନ୍ଦ୍ର ନାୟକ, ଏବଂ ବିଜେଡିର ସମସ୍ତ କର୍ମକର୍ତ୍ତା ଉପସ୍ଥିତ ରହି ଦଳୀୟ ପ୍ରାର୍ଥୀମାନଙ୍କୁ ଉତ୍ସାହିତ କରିଥିଲେ ।