ଭବାନୀପାଟଣା : ଗାଡ଼ି ଜାଳିଦେଲେ ମାଓବାଦୀ । ନିର୍ମାଣ କାମରେ ନିୟୋଜିତ ଥିବା ଗାଡି ଜାଳିଦେଲେ ମାଓବାଦୀ । ଭବାନୀପାଟଣା ସଦର ବ୍ଲକ ଯୁଗସାଇପାଟଣା ପୋଖରୀ ଘାଟି ନିକଟରେ ଘଟିଛି ଏଭଳି ଅଭାବନୀୟ ଘଟଣା ।
ଖବର ଅନୁଯାୟୀ, ଯୁଗସାଇପାଟଣା ପୋଖରୀ ଘାଟି ମାନସ୍କାରେ ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତା ନିର୍ମାଣ ଚାଲିଥିଲା । ତେବେ ରାସ୍ତା କାମରେ ନିୟୋଜିତ ୩ ଟ୍ରାକ୍ଟର ଓ ୨ଟି ଟିପର ଓ ଗୋଟିଏ ଜେସିବିକୁ ସିପିଆଇ ମାଓବାଦୀ ଓଡିଶା ରାଜ୍ୟ କମିଟି ପକ୍ଷରୁ ପୋଡି ଦିଆଯାଇଛି । ରାସ୍ତାକାମକୁ ବିରୋଧ କରି ମାଓବାଦୀ ସଂଗଠନ ପକ୍ଷରୁ ବ୍ୟାପକ ପୋଷ୍ଟର ମଧ୍ୟ ଲଗାଯାଇଛି । ଘଟଣାସ୍ଥଳରେ ଏବେ ଯାଏଁ ପୋଲିସ ପହଞ୍ଚି ନଥିବା ବେଳେ ୨୦୧୮ ପରେ ମାଓ ସଂଗଠନର ଏହା ଏକ ବଡ଼ ହିଂସାକାଣ୍ଡ ବୋଲି ସୂଚନା ରହିଛି ।