ଭୁବନେଶ୍ୱର : ବିଧାନସଭା ଅଧିବେଶନର ଦ୍ୱିତୀୟ ଦିନ । ଦ୍ୱିତୀୟ ଦିନ ଆରମ୍ଭରୁ ଗୃହରେ ହଙ୍ଗାମା । ଧାନ ରଖି ବିରୋଧୀଙ୍କ ପ୍ରବଳ ହଟ୍ଟଗୋଳ । ଗୃହକାର୍ଯ୍ୟ ଆରମ୍ଭ ହେଉ ହେଉ ହଙ୍ଗାମା କରିଥିଲେ ବିରୋଧୀ । ବିଶେଷ କରି ଧାନମଣ୍ଡି ସମସ୍ୟାକୁ ନେଇ ବିଜେଡି ଓ କଂଗ୍ରେସ ପ୍ରତିବାଦ କରିଥିଲେ ।
ଏମିତିକି ନାରାବାଜୀ ସହ ଗୃହରେ ଧାନ ରଖି ବିରୋଧୀ ମାନେ ହୋହଲ୍ଲା କରିଥିଲେ । ମୁଣ୍ଡରେ ଧାନ ମୁଣ୍ଡାଇ ଗୃହକୁ ଆସିଲେ ରୋମାଞ୍ଚ ରଞ୍ଜନ ବିଶ୍ଵାଳ । ରିପୋର୍ଟର ଟେବୁଲ ଉପରେ ଧାନ ଥୋଇ ପ୍ରତିବାଦ ଜଣାଇଲେ ବିରୋଧୀ ଦଳ । ଫଳରେ ଏମିତି ହୋଇଥିଲା ସ୍ଥିତି ମୁଲତବୀ କରିଥିଲେ ବାଚସ୍ପତି ।
ଏହାପରେ ଗୃହ ପୁଣି ଆରମ୍ଭ ହୋଇଥିଲା । ତଥାପି ଜାରି ରହିଥିଲା ବିରୋଧୀଙ୍କ ହୋହଲ୍ଲା । ବିରୋଧୀଙ୍କ ହଟ୍ଟଗୋଳ- ଗୃହକୁ ୪ଟା ଯାଏଁ ମୁଲତବୀ ଘୋଷଣା କଲେ ବାଚସ୍ପତି । ଧାନମଣ୍ଡି ସମସ୍ୟାକୁ ନେଇ ବିଜେଡି ଓ କଂଗ୍ରେସର ପ୍ରତିବାଦ ।