ଘୁ ଉଦୟଗିରି : ଆଜି ନାମାଙ୍କନ ପତ୍ର ଦାଖଲର ଶେଷ ଦିବସରେ ଘୁ.ଉଦୟଗିରି ବ୍ଲକର ୮ଗୋଟି ପଞ୍ଚାୟତର ବିଭିନ୍ନ ପଦବୀ ନିମନ୍ତେ ଆଜି ୭୬ଜଣ ନାମାଙ୍କନପତ୍ର ଦାଖଲ କରିଛନ୍ତି । ଗ୍ରେସିଙ୍ଗିଆ ପଞ୍ଚାୟତରୁ ୱାର୍ଡମେମ୍ବର ପାଇଁ ୧୧ଜଣ, ସମିତିସଭ୍ୟ ପାଇଁ ୨ଜଣ, ରଟିଙ୍ଗିଆ ପଞ୍ଚାୟତର ୱାର୍ଡମେମ୍ବର ପାଇଁ ୫, ସମିତିସଭ୍ୟ ୪, କଳିଙ୍ଗା ପଞ୍ଚାୟତ ୱାର୍ଡମେମ୍ବର ୮, ସରପଞ୍ଚ ୧, ସମିତିସଭ୍ୟ ୧, କତିଙ୍ଗିଆ ପଞ୍ଚାୟତ ୱାର୍ଡ ମେମ୍ବର ୧୨ ଜଣ, ତଲାରୀମାହା ପଞ୍ଚାୟତର ୱାର୍ଡମେମ୍ବର ୩, ସରପଞ୍ଚ ୨, ସମିତିସଭ୍ୟ ୨, ରାଇକଲା ପଞ୍ଚାୟତ ୱାର୍ଡମେମ୍ବର ୮, ସମିତିସଭ୍ୟ ୨, ଲିଙ୍ଗାଗଡ଼ ପଞ୍ଚାୟତର ୱାର୍ଡମେମ୍ବର ୨ଜଣ, ମାଳିକାପଡି ପଞ୍ଚାୟତର ୱାର୍ଡମେମ୍ବର ୮, ସରପଞ୍ଚ ୧ ଏବଂ ସମିତିସଭ୍ୟ ପାଇଁ ୪ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ପ୍ରାର୍ଥୀପତ୍ର ଦାଖଲ ପରେ ଘୁ.ଉଦୟଗିରି ବ୍ଲକର ୮ଗୋଟି ପଞ୍ଚାୟତର ସରପଞ୍ଚ, ସମିତିସଭ୍ୟ ଏବଂ ୱାର୍ଡମେମ୍ବର ପଦବୀ ନିମନ୍ତେ ମୋଟ ୨୦୬ ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ସେଥି ମଧ୍ୟରୁ ସରପଞ୍ଚ ପଦବୀ ନିମନ୍ତେ ୩୨ଜଣ, ସମିତିସଭ୍ୟ ନିମନ୍ତେ ୩୭ଜଣ ଏବଂ ୱାର୍ଡ ମେମ୍ବର ନିମନ୍ତେ ୧୩୭ ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ବ୍ଲକ ପିଇଓ ବିଶିକେଶନ ବେହେରା ସୂଚନା ଦେଇଛନ୍ତି ।