ଜି ଉଦୟଗିରି : ଜି ଉଦୟଗିରି ପ୍ରେସ କ୍ଲବର ଏକ ସ୍ୱତନ୍ତ୍ର ବୈଠକ ବୁଧୁବାର ଦିନ ସନ୍ଧ୍ୟାରେ ସମନ୍ୱିତ ସଭା ଗୃହ ଠାରେ ଅନୁଷ୍ଠିତ ହୋଇଯାଇଛି । ବରିଷ୍ଠ ସାମ୍ବାଦିକ ଶିଶିର ପଟ୍ଟନାୟକଙ୍କ ଆବାହକତ୍ୱରେ ଓ ପ୍ରେସ କ୍ଲବ ସଭାପତି ସମୀର କୁମାର ପାଢିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପ୍ରଥମେ ବରିଷ୍ଠ ସାମ୍ବାଦିକ ବିଦ୍ୟାଧର ପାଳ ସ୍ୱାଗତ ଭାଷଣ ଦେଇ କ୍ଲବର ଆଭିମୁଖ୍ୟ, ଦାୟିତ୍ୱ ଓ ତାଙ୍କ ଦୀର୍ଘ ଦିନର ଅନୁଭୂତି ସମ୍ପର୍କରେ କହିଥିଲେ । ସାଧାରଣ ସମ୍ପାଦକ ବଟକୃଷ୍ଣ ଦାଶ କ୍ଲବ ସମ୍ପର୍କରେ କହିବା ପରେ ସାମ୍ବାଦିକ ଦେବନାଥ ଦଳବେହେରା, ପତିତପାବନ ସାହୁ, ପ୍ରସନ୍ନ ମିଶ୍ର, ରାମକୃଷ୍ଣ ଚୌଧୁରୀ, ଆଶୁତୋଷ ସାହୁ, ଅରୁଣ କୁମାର ସଢଙ୍ଗୀ, ଏନ ରାଜା ରାଓ, ସାମନ୍ତ ଶେଖର ନାୟକ, ଚିନ୍ମୟ ସେଠି, ଅନୀଲ କୁମାର ଦଳବେହେରା, ସୁଜିତ କୁମାର ସାହୁ, ଚନ୍ଦ୍ର ଶେଖର ପାଢ଼ୀ ପ୍ରମୁଖ ନିଜ ନିଜ ବକ୍ତବ୍ୟ ଦେଇ ଅତିଶୀଘ୍ର କ୍ଲବ ପାଇଁ ଜାଗା ଓ ଗୃହ ନିର୍ମାଣ କରିବା ପାଇଁ ଗୁରୁତ୍ୱ ଦେଇଥିଲେ । ଏ ସମ୍ପର୍କରେ ପ୍ରଶାସନିକ ଅଧିକାରୀମାନଙ୍କ ସହ ଆଲୋଚନା କରି ପଦକ୍ଷେପ ନିଆଯିବ ବୋଲି ସଭାପତି କହିଥିଲେ । କ୍ଲବକୁ ଅଧିକ କ୍ରିୟାଶୀଳ କରିବା ପାଇଁ ସାଙ୍ଗଠନିକ ସମ୍ପାଦକ ଓ ସହ ସମ୍ପାଦକ ଦୁଇଟି ପଦବୀ ସୃଷ୍ଟି କରାଯାଇଥିଲା । ପ୍ରସନ୍ନ କୁମାର ମିଶ୍ରଙ୍କୁ ସାଙ୍ଗଠନିକ ସମ୍ପାଦକ ଭାବେ ଓ ଆଶୁତୋଷ ସାହୁଙ୍କୁ ସହ ସମ୍ପାଦକ ଭାବେ ମନୋନୀତ କରାଯାଇଥିଲା । ଶେଷରେ ସାଙ୍ଗଠନିକ ସମ୍ପାଦକ ପ୍ରସନ୍ନ ମିଶ୍ର ଧନ୍ୟବାଦ ଦେଇଥିଲେ ।