ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକ ଗାରାବନ୍ଧ ପଞ୍ଚାୟତର ଗାରାବନ୍ଧ ସ୍ଥିତ ଶ୍ରୀ ଭେଙ୍କେଟେଶ୍ୱର ଉଚ୍ଚ ବିଦ୍ୟାଳୟ ପରିସରରେ ବନ ମହୋତ୍ସବ ସପ୍ତାହ ପାଳିତ ହୋଇଯାଇଛି । ଆୟୋଜିତ ଉତ୍ସବରେ ଗୋଶାଣି ପଞ୍ଚାୟତ ସମିତି ଅଧ୍ୟକ୍ଷ ଏନ ବିରରାଜୁ, ଗାରାବନ୍ଧ ପଞ୍ଚାୟତର ସରପଞ୍ଚ ପି.ଅଶୋକ କୁମାର ଏସ.ବି.ଆଇ ଶାଖା ପରିଚାଳକ ସୁନୀଲ କୁମାର ପାଢୀ, ପୁରାତନ ଛାତ୍ର ସଙ୍ଘ ଅଧ୍ୟକ୍ଷ ପ୍ରସାଦ ପଟ୍ଟନାୟକ, ବନ ଖଣ୍ଡ ଅଧିକାରୀ କବିନା ପରିଚ୍ଛା, ବନ ପାଳ ଏମ୍ କାମେଶ୍ୱର ରାଓ ଏବଂ ବିଦ୍ୟାଳୟର ପ୍ରଧାନ ଶିକ୍ଷକ ବି . ତିରୁମାଲା ରାଓ ପଟ୍ଟନାୟକଙ୍କ କରକମଳରେ ବିଦ୍ୟାଳୟ ପରିସରରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ କରଞ୍ଜ, ବାହାଡ଼ା, ପଣସ,ଅର୍ଜୁନ ପରି ୩୦ଟି ବୃକ୍ଷ ରୋପଣ କରାଯାଇଥିଲା । ଏହି କାର୍ଯ୍ୟକ୍ରମକୁ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ପରିଚାଳନା କରିଥିବା ବେଳେ ଛାତ୍ରଛାତ୍ରୀମାନେ ମଧ୍ୟ ବୃକ୍ଷରୋପଣର ଅନୁଭବ ସହ ସମସ୍ତଙ୍କ ସହଯୋଗୀ ହୋଇ ଥିଲେ ।