ପାରଳାଖେମୁଣ୍ଡି : ନ୍ୟାସନାଲ ଏଲିଜିବୁଲିଟି ଏଣ୍ଟ୍ରାନ୍ସ ଟେଷ୍ଟ (ନିଟ)ରେ ପାରଳାଖେମୁଣ୍ଡି ଛାତ୍ରୀ ଓନା ଶ୍ରୀଲେଖା ୭୨୦ ମାର୍କରୁ ୬୭୬ ମାର୍କ ରଖି ଉଲ୍ଲେଖନିୟ ସଫଳତା ହାସଲ କରିଛନ୍ତି । ଅଲ ଇଣ୍ଡିଆ ଓପେନ କ୍ୟାଟେଗରୀରେ ସେ ୧୧୧୧ ର୍ୟାଙ୍କ ରଖି ଗଜପତି ଜିଲ୍ଲା ଓ ପାରଳାଖେମୁଣ୍ଡି ସହର ପାଇଁ ଗର୍ବ ଓ ଗୌରବ ଆଣି ପାରିଛନ୍ତି । ସେ ପାରଳା ସହର କାମ୍ପ ସାହି ନିବାସୀ ବ୍ୟବସାୟୀ ଓନା ମହେଶ ଓ ଲକ୍ଷ୍ମୀଙ୍କ ସୁପୁତ୍ରୀ ଅଟନ୍ତି । ଓନା ଶ୍ରୀଲେଖାଙ୍କ ଏହି ସଫଳତା ପାଇଁ ଗଜପତି ଜିଲ୍ଲାର ବିଭିନ୍ନ ମହଲରୁ ତାଙ୍କୁ ଅଭିନନ୍ଦନ ଜଣାଇବାର ସହ ପ୍ରଶଂସାର ସୁଅ ଛୁଟିଛି ।