ବୌଦ୍ଧ,୨୭/୧ – ଆଜିବୌଦ୍ଧ ବ୍ଲକ୍ ଖୁଣ୍ଟବନ୍ଧ ଗ୍ରାମ ପଞ୍ଚାୟତ ଚଣ୍ଡିଗଡ ଗ୍ରାମରେ ଧାନ ଖରୀରେ ନିଆଁ ଲାଗି ଭସ୍ମୀଭୂତ ହୋଇ ଯାଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଚଣ୍ଡିଗଡ ଗ୍ରାମର ଚାଷୀ ଲିଙ୍ଗରାଜ ଧଳ ନିଜ 2 ଏକର ଜମିର ଧାନ କାଟିବା ପରେ ଖଳାରେ ଗଚ୍ଛିତ ରଖିଥିଲେ l ଆଜି ସକାଳେ ସେଥିରେ ଅଗ୍ନିକାଣ୍ଡ ଘଟି ଭସ୍ମୀଭୂତ ହୋଇଯାଇଛି । ଗାଆଁ ପାଖରେ ଏକ ବିଦ୍ୟୁତ ଟାୱାର ପାଖରେ ଅଗ୍ନିକାଣ୍ଡ ଘଟି ଥିବାରୁ ନିଆଁକୁ ଆୟତ୍ତ କରିବା ପାଇଁ ଗ୍ରାମବାସୀ ଲାଗି ପଡିଥିଲେ l ଖବର ପାଇ ବୌଦ୍ଧ ଅଗ୍ନିଶମ ବାହିନୀ ମଧ୍ୟ ପହଞ୍ଚିଥିଲା l