ବୌଦ୍ଧ,୨୦/୫ – ବୌଦ୍ଧ ବ୍ଲକ୍ ଗୋଛାପଡା ଗ୍ରାମ ପଞ୍ଚାୟତ ଅନ୍ତର୍ଗତ ମଙ୍ଗଳା ମୁଣ୍ଡା ଗ୍ରାମରେ ଥିବା ଗୋଟିଏ ନଳକୂପ ପ୍ରାୟ ଏକ ମାସରୁ ଉର୍ଦ୍ଧ୍ବ ସମୟ ହେଲା ଅଚଳ ରହିଥିବା ହେତୁ ଗ୍ରାମବାସୀ ପାନୀୟ ଜଳ କଷ୍ଟ ଭୋଗ କରୁଥିବା ଅଭିଯୋଗ ହେଉଛି | ଉକ୍ତ ନଳକୂପ ଆଜକୁ ପ୍ରାୟ 7 ବର୍ଷ ତଳେ ଖୋଳା ଯାଇଥିଲେ ମଧ୍ୟ ଆଜି ଯାଏଁ ତାର ଚାନ୍ଦିନୀ ବେଢା ନିର୍ମାଣ କରାଯାଇ ପାରିନାହିଁ l ଏ ସମ୍ପର୍କରେ ଗ୍ରାମବାସୀ ବାରମ୍ବାର ଦାବି କରୁଥିଲେ ମଧ୍ୟ ପଞ୍ଚାୟତ କର୍ତୃପକ୍ଷ କୌଣସି କାର୍ଯ୍ୟାନୁଷ୍ଠାନ ନେଉନଥିବା ଅଭିଯୋଗ ହେଉଛି | ଏ ସମ୍ପର୍କରେ ପଞ୍ଚାୟତିରାଜ ଓ ପାନୀୟ ଜଳ ଓ ପରିମଳ ବିଭାଗ ପକ୍ଷରୁ ତୁରନ୍ତ ପଦକ୍ଷେପ ନେବାକୁ ଗ୍ରାମବାସୀ ଦାବି କରିଛନ୍ତି |