ଦୁର୍ଘଟଣାରେ ସାଇକେଲ ଆରୋହୀଙ୍କ ମୃତ୍ୟୁ, ରାସ୍ତା ଅବରୋଧ କଲେ ସ୍ଥାନୀୟ ଲୋକେ

ବୌଦ୍ଧ,୫/୩ -ବୌଦ୍ଧଜିଲ୍ଲା କଣ୍ଟାମାଳ ବ୍ଲକ କଚେରୀ ପାଖରେ ଗତକାଲି ସନ୍ଧ୍ୟାରେ ଏକ ଡଂଫର ଧକ୍କାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଥିବା ଜଣା ପଡିଛି l ଆଜି ସକାଳୁ ଉତ୍ୟକ୍ତ ଲୋକେ ଦୁର୍ଘଟଣା ସ୍ଥଳ ନିକଟରେ ମୃତକଙ୍କ ପରିବାର କୁ ସହାୟତା ପ୍ରଦାନ ଓ ଦୁର୍ଘଟଣା ଘଟାଇଥିବା ଡମ୍ଫରକୁ ଠାବ କରିବା ଦାବୀରେ କଣ୍ଟାମାଳ – ଘଣ୍ଟାପଡା ରାସ୍ତା ଅବରୋଧ କରିଥିବା ଦେଖିବାକୁ ମିଳିଛି l ମିଳିଥିବା ସୂଚନା ଅନୁଯାୟୀ ଗୁରୁବାର ସନ୍ଧ୍ୟାରେ ଖଲିଆପାଲି ଗ୍ରାମର ଗଣେଶ୍ୱର ପାଣ୍ଡେ (57) ଏବଂ ଗଡ଼ିଆଜୋର୍ ଗ୍ରାମର ସୁଶାନ୍ତ ଘିବେଲା (29) କୌଣସି କାମରେ କଣ୍ଟାମାଳ ଆସି ନିଜ ଘରକୁ ସାଇକେଲରେ ଫେରୁଥିବା ସମୟରେ କଣ୍ଟାମାଳ କଚେରୀ ନିକଟ ପୋଲ ପାଖରେ ସମାନ ଦିଗରୁ ଆସୁଥିବା ଏକ ଅଜଣା ଡମ୍ଫର ଧକ୍କା ଦେଇ ଫେରାର ମାରିଥିଲା l ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି କଣ୍ଟାମାଳ ଡାକ୍ତରଖାନାରେ ଭର୍ତ୍ତି କରିଥିଲେ | ଡାକ୍ତରଖାନାରେ ଗଣେଶ୍ୱର ପାଣ୍ଡେଙ୍କ ମ୍ରୁତ୍ୟୁ ହୋଇଥିବା ବେଳେ ଗୁରୁତର ସୁଶାନ୍ତ ଘିବେଲାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି l କଣ୍ଟାମାଳ ପୋଲିସ ଘଟଣାସ୍ଥଳରେ ପହଂଚି ଲୋକଙ୍କୁ ବୁଝା ଶୁଝା କରୁଥିବା ଦେଖିବାକୁ ମିଳିଛି l