ଢେଙ୍କାନାଳ: ଢେଙ୍କାନାଳ କେନ୍ଦ୍ରୀୟ ବିଦ୍ୟାଳୟକୁ ସାଂସଦ ମହେଶ ସାହୁ ପରିଦର୍ଶନ କରି ବିଭିନ୍ନ ସମସ୍ୟା ସଂପର୍କରେ ଅବଗତ ହୋଇଥିଲେ । ଏହି ପରିଦର୍ଶନ ସମୟରେ ବିଦ୍ୟାଳୟର ଛାତ୍ରଛାତ୍ରୀଙ୍କ ପ୍ରାର୍ଥନାସ୍ଥଳ ବୁଲି ଦେଖିବା ସହ କୌଣସି ସଂସ୍ଥା ସହିତ ଆଲୋଚନା କରି ଏକ ସ୍ଥାୟୀ ଛାତର ପ୍ରତିକାର ଉପରେ ଗୁରୁତ୍ୱାରୋପ କରିଥିଲେ । କେନ୍ଦ୍ରୀୟ ବିଦ୍ୟାଳୟର ପିଇବା ପାଣି ନିମନ୍ତେ ସହରାଞ୍ଚଳ ଜଳଯୋଗାଣ ସହକାରୀ ଯନ୍ତ୍ରୀଙ୍କ ସହିତ ଯୋଗାଯୋଗ କରି ତୁରନ୍ତ ପାଇପ ଲାଇନ୍ ପକାଇବା ପାଇଁ କହିଥିଲେ । ପରେ ବିଦ୍ୟାଳୟର ଖେଳ ପଡିଆ ବୁଲି ଦେଖିବା ସହ ଏ ଦିଗରେ କୌଣସି ପାଣ୍ଠିରୁ ଖର୍ଚ୍ଚ ଯୋଗାଇବା ପାଇଁ ପ୍ରକାଶ କରିଥିଲେ । ଏହି ପରିଦର୍ଶନ ସମୟରେ ବିଦ୍ୟାଳୟର ଅଧ୍ୟକ୍ଷ ଅକ୍ଷୟ କୁମାର ମଲ୍ଲିକ, ସାଂସଦଙ୍କ ବ୍ୟକ୍ତିଗତ ସଚିବ ଦୀପକ କୁମାର ଦାଶ, ଶ୍ୟାମସୁନ୍ଦର ସାହୁ, ବିଦ୍ୟାଳୟର ଶିକ୍ଷକ ଓ କର୍ମଚାରୀମାନେ ଉପସ୍ଥିତ ଥିଲେ ।