ବୌଦ୍ଧ: ମନମୁଣ୍ଡା କଣ୍ଟାମାଳ ରାସ୍ତାର ଜାଲପାଲି ଛକ ନିକଟରେ ଏକ ଧାନ ବୋଝେଇ ଟ୍ରକ ଗତ ରାତିରେ ରାସ୍ତାକଡରେ ଓଲଟି ପଡିଛି । ମିଳିଥିବା ତଥ୍ୟ ଅନୁସାରେ ଓଡି୧୨ସି ୨୭୭୧ ନମ୍ବର ବିଶିଷ୍ଟ ଏକ ଟ୍ରକ କଣ୍ଟାମାଳ ବ୍ଲକ ଲୋକାପଡା ସେବା ସମବାୟ ସମିତିରୁ ଚାଷୀଙ୍କ ରବିଧାନ ବୋଝେଇକରି ପୁରୁଣାକଟକସ୍ଥିତ ରାଣୀସତୀ ରାଇସମିଲକୁ ଫେରୁଥିବାବେଳେ ମନମୁଣ୍ଡା ଥାନା ଜାଲପାଲି ନିକଟରେ ଓଲଟି ପଡିଥିଲା । ଡ୍ରାଇଭରଙ୍କ କହିବା ଅନୁଯାୟୀ ହଠାତ ଏକ ବଳଦ ଗାଡି ସାମ୍ନାକୁ ଦଉଡି ଆସିଥିଲା । ତାକୁ ବଞ୍ଚାଇବା ପାଇଁ ଡ୍ରାଇଭର ଜୋରରେ ବ୍ରେକ ଦେଇଦେବାରୁ ଗାଡି ରାସ୍ତା ଉପରେ ହିଁ ଓଲଟି ପଡିଥିଲା । ଗାଡିରେ ଥିବା ମୁନସୀ ଓ ଡ୍ରାଇଭରଙ୍କ ଦୁର୍ଘଟଣାରେ କୌଣସି କ୍ଷତି ହୋଇନଥିବା ଜଣାପଡିଛି ।