ଦାରିଙ୍ଗବାଡି,୧୧/୬(ହୀ.ପ୍ର).ଦାରିଙ୍ଗବାଡ଼ି ବ୍ଳକରେ କାର୍ଯ୍ୟରତ ଗଣମାଧ୍ୟମ ପ୍ରତିନିଧି ଓ ହକରମାନଙ୍କୁ କନ୍ଧମାଳ ଜିଲ୍ଲାର କାର୍ଯ୍ୟରତ ସ୍ବେଚ୍ଛାସେବୀ ଅନୁଷ୍ଠାନ ୱାଡ ପକ୍ଷରୁ କରୋନା କିଟ ପ୍ରଦାନ କରାଯାଇଛି । ଦାରିଙ୍ଗବାଡ଼ି ତହସିଲଦାରଙ୍କ କାର୍ଯ୍ୟାଳୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିଥି ଭାବେ ଦାରିଙ୍ଗବାଡ଼ି ତହସିଲଦାର କଳାକୃଷ୍ଣ ପ୍ରଧାନ ଓ ଥାନା ଅଧିକାରୀ କୌଶିକ ମାଝୀ ଉପସ୍ଥିତ ରହି ଗଣମାଧ୍ୟମ ପ୍ରତିନିଧି ଓ ହକରଙ୍କୁ କରୋନା କିଟ ପ୍ରଦାନ କରିବା ସହ ଏହି କରୋନା ମହାମାରୀ ସମୟରେ ଏହି କିଟ ସମସ୍ତଙ୍କ ଉପକାର କରୁ ବୋଲି ମଙ୍ଗଳ କାମନା କରିଥିଲେ । ଏହି ମହତ କାର୍ଯ୍ୟ ପାଇଁ ସ୍ବେଚ୍ଛାସେବୀ ଅନୁଷ୍ଠାନ ୱାଡର ସମ୍ପାଦକ ଆଶୁତୋଷ ସାହୁ ଓ କାର୍ଯ୍ୟକ୍ରମକୁ ସହଯୋଗ କରୁଥିବା ସାମ୍ବାଦିକ ତଥା ଜିଲ୍ଲା ଉତ୍କଳ ସାମ୍ବାଦିକ ସଂଘର ସଭାପତି ସନ୍ତୋଷ ଦାସଙ୍କୁ ଦାରିଙ୍ଗବାଡ଼ି ପ୍ରେସ କ୍ଳବ ସଭାପତି ପ୍ରେମଚାନ୍ଦ ସିଂ, ସଂପାଦକ ଅଶ୍ୱିନ ମନ୍ତ୍ରୀ ସହିତ ଅନ୍ୟ ସଦସ୍ୟ ରାକେଶ କୁମାର ସାହୁ, ତରଣୀ କୁମାର ସାହୁ, ସୁଶାନ୍ତ କୁମାର ସାହୁ, ଲଷ୍ମୀକାନ୍ତ ରାଜଗୁରୁ, ମାଧବ ପାଇକ, ଅକେଶ୍ୱର ମାଝୀ ପ୍ରମୁଖ ସାଧୁବାଦ ଜଣାଇବା ସହ ଏହିଭଳି ସମୟରେ ଉତ୍ତମ ସ୍ଵାସ୍ଥ୍ୟରେ ରହି ଅନ୍ୟମାନଙ୍କର ଉପକାର କରିବାକୁ ଆହ୍ଵାନ ଦେଇଥିଲେ ।