ଦୁଇ ବାଇକ ମଧ୍ୟରେ ଧକ୍କା, ଜଣେ ଗୁରୁତର

ବୌଦ୍ଧ /ବlଉଁଶୁଣି – ଆଜି ସନ୍ଧ୍ୟା 5 ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ 57 ର ବlଉଁଶୁଣି ହିନ୍ଦୁସ୍ତାନ ପେଟ୍ରୋଲ ଟାଙ୍କି ନିକଟରେ ଦୁଇଟି ବାଇକ ମଧ୍ୟରେ ଧକ୍କା ହେବାରୁ ଜଣେ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ବlଉଁଶୁଣି ଛକରୁ ଜମଟାଙ୍ଗୀ ଆଡକୁ ଗୋଟିଏ ବାଇକ ରେ କଣ୍ଟାମାଳ ବ୍ଲକ୍ ଲମ୍ବସରୀ ଗ୍ରାମର ନୀଳାମ୍ବର ମହାକୁଡ(25) ଓ ଦହ୍ୟା ଗ୍ରାମର ଆଲୋକ ସାହୁ (22) ଯାଉଥିବା ଦମକଳ କେନ୍ଦ୍ର ପାର୍ଶ୍ୱରୁ ବସ୍ତମପୁର ଗ୍ରାମର ସୁବାଷ ରଣା (30) ରାସ୍ତା ଉପରକୁ ହଠାତ୍ ନିଜ ବାଇକ ବୁଲାଇ ଦେବାରୁ ଉଭୟ ଗାଡି ମଧ୍ୟରେ ଧକ୍କା ହୋଇଥିଲା | ଫଳରେ ନୀଳାମ୍ବର ଓ ଆଲୋକ ଗୁରୁତର ଆହତ ହୋଇଥିଲେ l ତାଙ୍କୁ ବlଉଁଶୁଣି ଦମକଳ ବାହିନୀ ଉଦ୍ଧାର କରି ବlଉଁଶୁଣି ଡାକ୍ତରଖାନାରେ ଭର୍ତ୍ତି କରିଥିଲେ | ପରେ ଉଭୟଙ୍କୁ ସୋନପୁର ଡାକ୍ତରଖାନା ସ୍ଥାନାନ୍ତର କରାଯାଇଥିଲା | ଅନ୍ୟ ବାଇକର ଆରୋହୀ ସୁବାଷ ରଣା ସାମାନ୍ୟ ଆହତ ହୋଇଥିବା ଜଣାପଡିଛି l ବlଉଁଶୁଣି ପୋଲିସ୍ 100 /2020 ନମ୍ବରରେ ଏକ ମାମଲା ରୁଜୁ କରି ଉଭୟ ବାଇକକୁ ଜବତ କରି ତଦନ୍ତ ଚଳାଇଛି l