ଭୁବନେଶ୍ୱର : ରାଜ୍ୟକୁ ପ୍ରବାସୀ ଓଡିଆଙ୍କ ଆଗମନ ପରେ କରୋନା ଆକ୍ରାନ୍ତଙ୍କ ସଂଖ୍ୟା ହୁତୁହୁତୁ ହୋଇ ବଢିଚାଲିଛି । ଆଜି ପୁଣି ୭୩ ନୂଆ ପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୬୧୧ରେ ପହଞ୍ଚିଛି । ଆଜି ଚିହ୍ନଟ ହୋଇଥିବା ଆକ୍ରାନ୍ତ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ଚିହ୍ନଟ ହୋଇଥିବା ତିନିଜଣ କ୍ୱାରେଣ୍ଟାଇନ ସେଣ୍ଟରରେ ଥିଲେ ଓ ଏମାନେ ସୁରତ ଫେରନ୍ତା ବୋଲି ଜଣାପଡିଛି । ସେହିପରି ଗଞ୍ଜାମ ଜିଲ୍ଲାରୁ ଚିହ୍ନଟ ହୋଇଥିବା ୪୨ ଜଣ ମଧ୍ୟ କ୍ୱାରେଣ୍ଟାଇନ ସେଣ୍ଟରରେ ଥିଲେ ଓ ସୁରଥ ଫେରନ୍ତା ବୋଲି ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ସେହିପରି ଭଦ୍ରକ ଜିଲ୍ଲାରୁ ୯ଜଣଙ୍କ ମଧ୍ୟରୁ ୫ଜଣ ପଶ୍ଚିମବଙ୍ଗ, ୩ଜଣ ସୁରତ ଓ କର୍ଣ୍ଣାଟକରୁ ଜଣେ ଫରିଥିବା ଜଣାପଜିଛି । ଯାଜପୁରରୁ ଚିହ୍ନଟ ୧୭ଜଣ ପଶ୍ଚିମବଙ୍ଗ ଫେରନ୍ତା ହୋଇଥିବା ବେଳେ ସୁନ୍ଦରଗଡରୁ ଚିହ୍ନଟ ୨ ନୂଆ ଆକ୍ରାନ୍ତ କଣ୍ଟେନମେଣ୍ଟ ଅଂଚଳର ବୋଲି ଜଣାପଡିଛି । ସୂଚନାଯୋଗ୍ୟ ଯେ, ରାଜ୍ୟରେ ମୋଟ ଆକ୍ଟିଭ୍ ୪୬୫ ଥିବା ବେଳେ ୧୪୩ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସେହିପରି ୩ଜଣଙ୍କର ଏହି ବିଶ୍ୱ ମହାମାରୀ ରୋଗରେ ପ୍ରାଣ ହରାଇଛନ୍ତି ।