ବୌଦ୍ଧ : ବୌଦ୍ଧ ବ୍ଲକ ବାଉଁଶୁଣୀ ଛକରେ କିଛି ଅମାନିଆ ବ୍ୟକ୍ତି ଦୋକାନ ଖୁଲମଖୁଲା ଖୋଲି ସେଠାରେ ଲୋକଙ୍କ ଭିଡ ଜମାଉଛନ୍ତି । ସଟଟାଉନ ବେଳେ ସମସ୍ତ ଦୋକାନ ବଜାର ବନ୍ଦ ରହିବା କଥା କିନ୍ତୁ କେତେକ ଚା ଓ ଟିଫିନ ଦୋକାନ ଖୋଲି ସେଠାରେ ଲୋକଙ୍କୁ ଖାଇବାକୁ ଦେଉଛନ୍ତି । ଏହା ବ୍ୟତୀତ କିଛି ଚା ଦୋକାନୀ ସଂଧ୍ୟା ସମୟରେ ଦୋକାନ ଛାଡି ଅନ୍ୟତ୍ର ଏକ ସ୍ଥାନରେ ଚା ତିଆରି ଆଣି ସେଠାରେ ଲୋକଙ୍କୁ ଜମାକରି ଭିଡ ଜମାଉଛନ୍ତି । ବାଉଁଶୁଣୀ ଛକଠାରେ ଥିବା ଏକ ସରକାରୀ ଟିକେଟ କାଉଣ୍ଟରଠାରେ ସଂଧ୍ୟା ସମୟରେ ଚା ବିକ୍ରି ହେଉଛି । ଏହା ସହିତ ଟିକିରାପଡା ଗ୍ରାମରେ ସଂଧ୍ୟା ସମୟରେ କିଛି ଦୋକାନ ଖୋଲୁଛନ୍ତି । ସେଠାରେ ଲୋକଙ୍କ ଭିଡ ଜମାହେବା ଦେଖାଯାଉଛି । ଗ୍ରାମର କିଛି ଲୋକ ତାଙ୍କୁ ମନାକଲା ସତ୍ତ୍ୱେ ମଧ୍ୟ ସେହି ଦୋକାନୀ ଅମାନିଆ ହୋଇ ଦୋକାନ ଖୋଲୁଛନ୍ତି । ବାଉଁଶୁଣୀ ଛକରେ ଅନେକ ଦୋକାନୀ କୋଭିଡ ନିୟମକୁ ଖୁଲମ ଖୁଲା ଉଲ୍ଲଂଘନ କରି ଦୋକାନ ଖୋଲୁଛନ୍ତି । ଏହା ଉପରେ ପ୍ରଶାସନ ଦୃଷ୍ଟି ଦେବାକୁ ଦାବି ହେଉଛି ।