କେନ୍ଦୁଝର: ଏକ ନିରାଡମ୍ବର ପରିବେଶ ମଧ୍ୟରେ କେନ୍ଦୁ ଝର ପୌର ପରିଷଦ ୨୦ ୨୨ ସ୍ୱଚ୍ଛ ମିଶନକୁ ଅଧିକ କ୍ରିୟାଶୀଳ କରିବାକୁ ଓଡ଼ିଶା କ୍ରିକେଟ ଟିମ୍ର ଅଧିନାୟକ ତଥା କେନ୍ଦୁଝର ସହର କ୍ରିକେଟର ଶୁଭ୍ରାଂଶୁ ସେନାପତିଙ୍କୁ ବ୍ରାଣ୍ଡ ଆମ୍ବାସାଡର ନିଯୁକ୍ତି କରିଛନ୍ତି । ଏହି ଖବର ଜାଣିବା ପରେ ଶୁଭ୍ରାଂଶୁଙ୍କୁ ବିଭିନ୍ନ ଅନୁଷ୍ଠାନ ତଥା ଖେଳ ପ୍ରେମୀଙ୍କ ତରଫରୁ ଶୁଭେଚ୍ଛା ଜ୍ଞାପନ କରାଯାଇଛି । ଆମେ ଶୁଭ୍ରାଂଶୁଙ୍କ ପ୍ରତିକ୍ରିୟା ନେଇଥିଲୁ ସେ ତାଙ୍କ ପ୍ରତିକ୍ରିୟା ରେ ପୌର ପରିଷଦକୁ ଧନ୍ୟବାଦ ଦେବା ସହ ତାଙ୍କର ବ୍ୟସ୍ତ ବହୁଳ ଖେଳ ସୂଚୀ ମଧ୍ୟରୁ ସମୟ କାଢି ସହରର ସ୍ୱଚ୍ଛତା ପାଇଁ ଯେକୌଣସି କାର୍ଯ୍ୟକ୍ରମରେ ଯୋଗ ଦେଇ ସହରବାସୀଙ୍କୁ ସ୍ୱଚ୍ଛତା ପ୍ରତି ଜାଗରଣ କରିବାରେ ସାହାଯ୍ୟ କରିବେ ବୋଲି ପ୍ରତିଶୃତି ଦେଇଥିଲେ । ସେ ସହରବାସୀଙ୍କୁ ଅନୁରୋଧ କରିଛନ୍ତି ଯେ, ସମସ୍ତେ ନିଜ ନିଜ ଘରର ଆବର୍ଜନାକୁ ଏଣେତେଣେ ନ ଫୋପାଡି ଉପଯୁକ୍ତ ସ୍ଥାନରେ ପାକାଇବାକୁ ଚେଷ୍ଟା କରିବା ସହ ସହରର ବାତାବରଣକୁ ସୁସ୍ଥ ଏବଂ ସୁନ୍ଦର ରଖିବାରେ ପୌର ପରିଷଦକୁ ସହଯୋଗ କରନ୍ତୁ ।