ବୌଦ୍ଧ,୧୮/୧୦- ବୌଦ୍ଧ ଜିଲ୍ଲା ମାଧପୁର ରେଞ୍ଜ ଅନ୍ତର୍ଗତ ତଳଗାଁ ଗ୍ରାମ ପଂଚାୟତର କାତର୍ଡl ଗ୍ରାମରେ ଜଙ୍ଗଲୀ ଭାଲୁ ଆକ୍ରମଣରେ ସ୍ବାମୀ ସ୍ତ୍ରୀ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ କାତର୍ଡl ଗ୍ରାମରେ ରହୁଥିବା ଦେବାର୍ଚ୍ଚନ ମାଝୀ (50) ଓ ତାଙ୍କର ସ୍ତ୍ରୀ ମଥୁରା ମାଝୀ (45) ନିଜ ଘରେ ଥିବାବେଳେ ଗତକାଲି ଅପରାନ୍ହ ପ୍ରାୟ 2 ଘଣ୍ଟା ସମୟରେ ଗୋଟିଏ ଜଙ୍ଗଲୀ ଭାଲୁ ହଠାତ୍ ଘର ଭିତରକୁ ପଶି ଆସି ଉଭୟ ସ୍ବାମୀ ସ୍ତ୍ରୀ ଙ୍କୁ ଆକ୍ରମଣ କରିଥିଲା l ସେମାନେ କୌଣସି ମତେ ଭାଲୁ ଆକ୍ରମଣରୁ ଜୀବନ ବଞ୍ଚାଇବାରେ ସଫଳ ହୋଇଥିଲେ l ଭାଲୁ ଆକ୍ରମଣ ସମ୍ପର୍କରେ ସେମାନେ ସ୍ଥାନୀୟ ଫରେଷ୍ଟରଙ୍କୁ ସୂଚନା ଦେଇ ତଳଗାଁ ପ୍ରାଥମିକ ଚିକିତ୍ସା କେନ୍ଦ୍ରକୁ ଚିକିତ୍ସା ପାଇଁ ଯାଇଥିଲେ l ଉଭୟଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାକୁ ଆମ୍ବୁଲାନସ ଯୋଗେ ପଠା ଯାଇଥିଲା l
ଦେବାର୍ଚ୍ଚନ ମାଝୀ ଜଣେ ଗରୀବ ଖଟିଖିଆ ଲୋକ ହୋଇଥିବାରୁ ସେମାନଙ୍କ ପକ୍ଷେ ଚିକତ୍ସା ଖର୍ଚ୍ଚ ତୁଲାଇବା ମଧ୍ୟ କଷ୍ଟକର l ସେଥିପାଇଁ ଜିଲ୍ଲା ପ୍ରଶାସନ ତଥା ବନ ବିଭାଗ ତାଙ୍କୁ ସହାୟତା ଯୋଗାଇ ଦେବାକୁ ଜନସାଧାରଣ ରେ ଦାବି ହେଉଛି l