ପୁରୀ : ଟାଉନ ଥାନା ପରିସରରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୁରୀ ଏସ୍ପି କେ ବିଶାଲ ସିଂ ମୁଖ୍ୟ ଅତିଥି ଭାବେ ଯୋଗଦେଇ ଥାନା ପଛ ପାର୍ଶ୍ୱରେ ଥିବା ପଡିଆରେ ବୃକ୍ଷରୋପଣ କରିଥିଲେ । ବୃକ୍ଷ ରୋପଣ ଦ୍ୱାରା ପରିବେଶ ସନ୍ତୁଳନ ରହିବା ସହ ବାତାବରଣ ମଧ୍ୟ ଉତ୍ତମ ରହିବ ବୋଲି କହିଛନ୍ତି ପୁରୀ ଏସ୍ପି । ତେବେ ସଭିଏଁ ନିଜ ନିଜ ଅଞ୍ଚଳରେ ବୃକ୍ଷ ଲଗାଇବାକୁ ସେ ଆହ୍ୱାନ ଦେଇଛନ୍ତି । ଏଥିସହ ଜନ ସାଧାରଣଙ୍କ ମତାମତ ନିଆଯାଇ ଲୋକମାନଙ୍କୁ କିଭଳି ସୁବିଧା ଯୋଗାଇ ହେବ ସେନେଇ କାର୍ଯ୍ୟ କରାଯାଉଥିବା ବେଳେ ଆମ ପୋଲିସ ବୈଠକରେ ସମସ୍ତ ସମସ୍ୟାର ସମାଧାନ କରାଯାଉଥିବା ସହ ଆଗକୁ ମଧ୍ୟ ଏହା ଜାରି ରହିବ । ତେବେ ଆଗକୁ ଜନସାଧାରଣଙ୍କ ଉଦ୍ଦେଶ୍ୟରେ ଅନେକ ଜନ ହିତକର କାର୍ଯ୍ୟ କରାଯିବ ବୋଲି ଏହି ଅବସରରେ ଏସପି ଶ୍ରୀ ସିଂ ସୂଚନା ଦେଇଛନ୍ତି ।