ଜହ୍ନାପଙ୍କ : ବୌଦ୍ଧ ବ୍ଳକ ଖୁଂଟବନ୍ଧ ପଞ୍ଚାୟତ ଜହ୍ନାପଙ୍କ ମାରୁତି ଯୁବକ ସଂଘର ବରିଷ୍ଠ ସଭ୍ୟ ତଥା ଶିକ୍ଷକ ଉପେନ୍ଦ୍ର ପ୍ରଧାନ ଓ ସୁଜାତା ପ୍ରଧାନଙ୍କ ସୁପୁତ୍ର ବାବୁନ ପ୍ରଧାନ ମେଡ଼ିକାଲ ସାଇନ୍ସରେ ୬୦୩ ର୍ୟାଙ୍କ ରଖି କୃତିତ୍ୱ ଅର୍ଜନ କରିଥିବାରୁ ମାରୁତି ଯୁବକ ସଂଘ ପକ୍ଷରୁ ବୁଧବାର ସନ୍ଧ୍ୟାରେ ତାଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ବାବୁନ ଜହ୍ନାପଙ୍କ ଉଟ୍ଟ ବିଦ୍ୟାଳୟରୁ ଏ ୧ ଓ ଯୁକ୍ତ ଦୁଇ ମହାବିଦ୍ୟାଳୟରୁ କୃତିତ୍ୱ ସହ ଏ୧ରେ ଉତ୍ତୀର୍ଣ୍ଣ ହୋଇ ବ୍ରହ୍ମପୁର ନୀଳକଣ୍ଠ ନଗରରେ ମେଡିକାଲ ପାଇଁ କୋଚିଂ କରୁଥିଲେ । ସଭାପତି ସୁଧାଂଶୁ ଶେଖର ମିଶ୍ରଙ୍କ ନେତୃତ୍ୱରେ ସମ୍ପାଦକ ଜଗଦୀଶ ବାରିକ, କୋଷାଧ୍ୟକ୍ଷ ସଞ୍ଜିତ ପ୍ରଧାନ, ସୁଧାଂଶୁ ଶେଖର ପ୍ରଧାନ, ଅନନ୍ତ ରଣା, କୀର୍ତ୍ତନ ରଣା, ସୁରେନ୍ଦ୍ର ବେହେରା, ୱାର୍ଡ ସଭ୍ୟ ବିଶ୍ୱାମିତ୍ର ବାରିକ, ଗଜେନ୍ଦ୍ର ପ୍ରଧାନ, ପ୍ରକାଶ ବାରିକ, ବିଭୀଷଣ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ଏ ଖବର ପାଇବା ପରେ ତାଙ୍କ ସହପାଠୀ ଓ ବନ୍ଧୁ ପରିଜନ ପକ୍ଷରୁ ଶୁଭେଚ୍ଛାର ସୁଅ ଛୁଟୁଛି ।