ଫୁଲବାଣୀ: ଆଜି ଓଡ଼ିଶାର ମୁଖ୍ୟମନ୍ତ୍ରୀ ଫୁଲବାଣୀ ଆସୁଛନ୍ତି । ସେ ନେଇ ବ୍ୟାପକ ବ୍ୟବସ୍ଥା କରାଯାଇଛି । ରାଜରାସ୍ଥାର ଉଭୟ ପାର୍ଶ୍ୱ ଏକଦମ ଚକାଚକ । ସ୍ଥାନେ ସ୍ଥାନେ ପୁଲିସର ପେହରଦାର । ଏପରି କୌଣସି ଜାଗା ବାକି ନାହିଁ ଯେଉଁଠାରେ କି ପୋଲିସ ନାହାନ୍ତି । ଏହିପରି ପରିବେଶ ଭିତରେ ବିଜୁ ଜନତା ଦଳର ମହିଳା ସଭାନେତ୍ରୀ ପୁନମ କହଁରଙ୍କ ନେତୃତ୍ୱରେ ଶତାଧିକ ମହିଳାମାନଙ୍କୁ ନେଇ ଏକ ବିଶାଳ ରାଲି ମାଧ୍ୟମରେ କନ୍ଧମାଳ ଷ୍ଟାଡିୟମରେ ଉପସ୍ଥିତ ହୋଇଛନ୍ତି । ସେହିପରି ଛାତ୍ର ବିଜେଡି ସଭାପତି ସୁନିଲ ସେଠୀଙ୍କ ନେତୃତ୍ୱରେ ମଧ୍ୟ ଏକ ବାଇକ ରାଲିରେ ଶତାଧିକ ବାଇକ ଚାଳକ ନିଜ ନିଜ ବାଇକରେ ଦଳୀୟ ପତାକା ଲଗାଇ ସହର ପରିକ୍ରମା କରି ଷ୍ଟାଡିୟମରେ ପହଞ୍ଚି ଥିଲେ ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିବା ପାଇଁ ।