ଦଶପଲ୍ଲା : ପ୍ରତି ବର୍ଷ ପରି ଏ ବର୍ଷ ମଧ୍ୟ ୭୨ ତମ ବନ ମହୋତ୍ସବ ନୟାଗଡ଼ ଜିଲ୍ଲା , ନୂଆଗାଁ ବ୍ଳକ ମାଳିସାହି ପଞ୍ଚାୟତର ଖେଡପଡା ରଗଡ଼ି ମଡ଼ା ସଂରକ୍ଷିତ ଜଙ୍ଗଲ ମଧ୍ୟରେ ହୋଇଯାଇଛି । ଏଥିରେ ମୂଖ୍ୟ ଅତିଥି ଭାବେ ନୂଆଗାଁ ବ୍ଳକ ଅଧ୍ୟକ୍ଷ ଅନ୍ତର୍ଯ୍ୟାମୀ ସ୍ୱାଇଁ ଯୋଗ ଦେଇ ଆନୁଷ୍ଠାନିକ ଭାବେ ବୃକ୍ଷ ରୋପଣ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ । ଏହି ପରିପ୍ରେକ୍ଷୀରେ ଆଜି ଲେମ୍ବ, ଜାମ୍ମୁ, କରଞ୍ଜ, ଶିଶୁ, ବାହାଡ଼ା ଭଳି ବହୁ ଔଷଧୀୟ ଗଛ ଲଗାଯାଇଛି । ଆଜିର ଏହି କାର୍ଯ୍ୟକ୍ରମରେ ନୟାଗଡ଼ ଏସିଏଫଓ ଅରବିନ୍ଦ ମାହାନ୍ତିଙ୍କ ସହ ବହୁ ବନ କର୍ମଚାରୀ ଯୋଗଦେଇଥିଲେ । ତତ୍ ସହିତ, ନୂଆଗାଁ ବ୍ଳକ ଉପାଧ୍ୟକ୍ଷ ପୁଷ୍ପାଞ୍ଜଳି ସାହୁ, ସରପଞ୍ଚ଼ ପର୍ଶୁରାମ ସାହୁ, ଦୀପକ କୁମାର ପ୍ରଧାନ, ଖୁଣ୍ଟଗାଁ ସମିତି ସଭ୍ୟ ରାଜକିଶୋର ପ୍ରଧାନଙ୍କ ସହ ବନପାଳ ସୁମିତ୍ରା ମିଶ୍ର ଏବଂ ସମସ୍ତ ବନ ସୁରକ୍ଷା କମିଟିର ସଭ୍ୟମାନେ ଯୋଗ ଦେଇଥିଲେ ।