କେନ୍ଦୁଝର: କେନ୍ଦୁଝର କାନଝାରୀ ଡ୍ୟାମରେ ଭାସୁଛି ଜଣେ ଯୁବକଙ୍କର ମୃତଦେହ । ମୃତକ ଜଣକ ହେଲେ ପଲାଣଘାଟି ଗାଁର ଇନ୍ଦ୍ରମଣି ନାଏକ । ଇନ୍ଦ୍ରମଣି କାଠ କାମ କରନ୍ତି ବୋଲି ଜଣାପଡିଛି । ସେ ଗତ ଶୁକ୍ରବାର ଦିନ କିଛି ସାଙ୍ଗ ମାନଙ୍କ ସହିତ ଏଠାକୁ ଆସି ଗାଧୋଉ ଥିବା ସମୟରେ ବୁଡି ଯାଇଥିଲେ । ଇନ୍ଦ୍ରମଣିଙ୍କ ସାଙ୍ଗମାନଙ୍କ କହିବା କଥା ସେହି ଦିନରୁ ସେମାନେ ଏହି ଡ଼୍ୟାମରେ ତାଙ୍କୁ ଖୋଜି ପାଉନଥିଲେ । ଗତକାଲି ମଧ୍ୟ ଅଗ୍ନିଶମ କର୍ମଚାରୀ ମାନେ ଖୋଜି ପାଇନଥିଲେ । ଆଜି ସକାଳୁ ସକାଳୁ ମୃତଦେହଟି ଭାସୁଥିବା ଦେଖିବାକୁ ମିଳିଛି ।