ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ କୁଇବାହାଲ ପଞ୍ଚାୟତ ଆନନ୍ଦପୁର ଗାଁରେ ଘଟିଛି ଅଘଟଣ । ଏକ ପରିତ୍ୟକ୍ତ କୂଅରେ ଗୋଟିଏ ପରିବାରର ତିନିଜଣଙ୍କ ମୃତ୍ୟୁ ହୋଇଛି । ଆନନ୍ଦପୁର ଗାଁର ସାଧୁ କାଲସେ, ପୁଅ ଆଲୋକ ରଂଜନ କାଲସେ ଓ ଜ୍ୱାଇଁ ନବୀନ ମୋଟାରୀ ଗାଁରେ ଥିବା ଏକ ପରିତ୍ୟକ୍ତ କୂଅକୁ କଇଁଛ ଧରିବାକୁ ଯାଇଥିବା ବେଳେ ଶ୍ୱାସରୁଦ୍ଧ ହୋଇ ମୃତ୍ୟୁବରଣ କରିଛନ୍ତି । ପରେ ପରେ ଗାଁଲୋକ ଜାଣିବା ପରେ ବିନିକା ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ବାପ, ପୁଅ ଓ ଜ୍ୱାଇଁଙ୍କୁ କୂଅ ଭିତରୁ ମୃତଭାବେ ଉଦ୍ଧାର କରିଥିବା ବେଳେ ରାମପୁର ପୋଲିସ ଘଟଣାସ୍ଥଳରେ ପହଞ୍ଚ଼ି ଅଧିକ ଅନୁସନ୍ଧାନ କରିଛି ।