ବୌଦ୍ଧ,୯/୧ – ଦୀର୍ଘ 9 ମାସର ଛୁଟି ପରେ ଗତକାଲି ସରସରାସ୍ଥିତ ବାବା ବୈଦ୍ୟନାଥ ଉଚ୍ଚ ବିଦ୍ୟାଳୟରେ ପାଠ ପଢା ଆରମ୍ଭ କରାଯାଇଥିବା ଜଣାପଡିଛି l ସରକାର ପ୍ରଥମ ପର୍ଯ୍ୟାୟରେ ଦଶମ ଶ୍ରେଣୀ ଖୋଲିବା ପାଇଁ ନିର୍ଦ୍ଦେଶ ଦେଇଥିବାରୁ ଓ ଅଭିଭାବକ ମାନେ ଘୋଷଣା ନାମା ଦେବାପରେ ପିଲା ଶିକ୍ଷା ଗ୍ରହଣ ପାଇଁ ଆସିବେ ବୋଲି ନିୟମ ଥିବାରୁ କାଲି ଉପସ୍ଥାନ କମ୍ ଥିଲା l ଗତକାଲି 43 ଜଣ ଛାତ୍ର ଛାତ୍ରୀ ବିଦ୍ୟାଳୟକୁ ଅଭିଭାବକଙ୍କ ସହ ଆସିଥିଲେ l ସମସ୍ତ ଛାତ୍ର ଛାତ୍ରୀ ମାନଙ୍କୁ ସାନିଟlଇଜ କରି ଭିତରକୁ ଛଡ଼ା ଯାଇଥିଲା l ଗତକାଲିର 43 ଜଣଙ୍କ ସମେତ ଆଜି ମୋଟ୍ 75 ଜଣ ଛାତ୍ର ଛାତ୍ରୀ ବିଦ୍ୟାଳୟକୁ ଆସିଥିଲେ l ମୋଟ୍ 4 ଗୋଟି ଶ୍ରେଣୀ ଗୃହରେ ପିଲାଙ୍କୁ ବିଭକ୍ତ କରି ସାମାଜିକ ଦୂରତା ରଖି ଶିକ୍ଷାଦାନ କରାଯାଉଥିବା ପ୍ରଧାନ ଶିକ୍ଷକ ଗଣେଶ୍ୱର ଦାଶ ପ୍ରକାଶ କରିଛନ୍ତି |