ଫୁଲବାଣୀ: ବରିଷ୍ଠ ଆଇନଜୀବି ଏମ ଭି କ୍ରିଷ୍ଣ। ରାଓଙ୍କ ଦେହାନ୍ତ ହେବାର ଖବର ମନରୁ ଲିଭିଛି କି ନାହିଁ,ଆଜି ଆଉ ଏକ ଦୁଃଖଦ ଖବର ଶୁଣିବାକୁ ପଡିଲାଯେ ସମସ୍ତଙ୍କର ଅତି ପ୍ରିୟ ସୁରେଶ ଭାଇ ଆଉ ନାହାନ୍ତି। ସେ ଗତକାଲି ଭୁବନେଶ୍ୱରର କିମ୍ସ ହସ୍ପିଟାଲରେ ଚିକିତ୍ସିତ ଅବସ୍ଥାରେ ତାଙ୍କର ଦେହାନ୍ତ ଘଟିଛି। ସୁରେଶ ଭାଇଙ୍କ ପରି ସ୍ନେହୀ,ମେଳାପି ବ୍ୟକ୍ତି ବିରଳ।ଆଇନଜୀବୀ ଭାବରେ ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରିଥିବା ସୁରେଶ ଭାଇ କେବଳ ଫୁଲବାଣୀ ନୁହେଁ,ସାରା ରାଜ୍ୟରେ ଭିଜିଲାନ୍ସ ସ୍ପେଶାଲ୍ ପି.ପି ଭାବରେ ଶ୍ରେଷ୍ଠତା ପ୍ରତିପାଦନ କରିଥିଲେ।ସେଥିପାଇଁ ତାଙ୍କୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୦୧୫ରେ ସ୍ୱତନ୍ତ୍ର ପୁରସ୍କାର ପ୍ରଦାନ କରିଥିଲେ।
ତତ୍ ସଙ୍ଗେ ସଙ୍ଗେ ଶ୍ରୀଜଗନ୍ନାଥ ମନ୍ଦିର ପରିଚାଳନା ରୁ ଆରମ୍ଭ କରି ବିଭିନ୍ନ ସଂଗଠନ ସହ ସମ୍ପୃକ୍ତ ରହି ସର୍ବଦା ସହଯୋଗ ର ହାତ ବଢ଼ାଇ ଆସିଥିବା ସୁରେଶ ଭାଇଙ୍କ ଦେହାନ୍ତରେ ସମସ୍ତେ ମର୍ମାହତ।
ଫୁଲବାଣୀ ଆଇନଜୀବୀ କଲ୍ୟାଣ ବୋର୍ଡର ଅଧ୍ୟକ୍ଷ ଭାବରେ ତାଙ୍କର ଭୂମିକା ଅନନ୍ୟ।ତାଙ୍କର ବିୟୋଗ ଖବରରେ ସମସ୍ତ ଆଇନଜୀବି ସମେତ ବରିଷ୍ଠ ଆଇନଜୀବୀ ବିଜୟ କୃଷ୍ଣ ପଟ୍ଟନାୟକ, ହରିଶ୍ଚନ୍ଦ୍ର ମହାରଣା, ଅସୀମ ପ୍ରହରାଜ, ଅଜୟ କୁମାର ସିଂ, ଭି ଭି ରାମଦାସ, ସିଧେଶ୍ୱର ଦାସ ପ୍ରମୁଖ ଦୁଃଖ ପ୍ରକାଶ କରିବା ସହ ତାଙ୍କସ୍ଥାନ ସବୁଦିନ ପାଇଁ ଅପୂରଣୀୟ……ଓ ତାଙ୍କର ଅମର ଆତ୍ମାଙ୍କ ସଦଗତି ପାଇଁ ପ୍ରାର୍ଥନା ଓ ପରିବାର ପାଇଁ ସମବେଦନା ଜଣାଇଛନ୍ତି ।