ବୌଦ୍ଧ,୧୫/୧୧ – ବୌଦ୍ଧ ଜିଲ୍ଲାର କୋଣେ ଅନୁକୋଣେ ପବିତ୍ର ଦୀପାବଳି ଅବସରରେ ମା କାଳୀଙ୍କ ପୂଜା ଅନୁଷ୍ଠିତ ହୋଇଯାଇଛି l କୋଭିଡ୍ କଟକଣା ପାଇଁ ଆକର୍ଷଣୀୟ ତୋରଣ ଓ ଆଲୋକ ସଜ୍ଜା ଦେଖିବାକୁ ମିଳୁନଥିଲେ ମଧ୍ୟ ବିଭିନ୍ନ ପୂଜା କମିଟି ତରଫରୁ ପାରମ୍ପରିକ ରୀତି ନୀତି ମଧ୍ୟରେ କୋଭିଡ୍ ନିୟମକୁ ଅନୁପାଳନ କରି ପୂଜା କାର୍ଯ୍ୟ ଆରମ୍ଭ କରାଯାଇଛି | ବୌଦ୍ଧ ଭୈରବୀ ଛକ ଠାରେ ହୋଇଥିବା ପୂଜାରେ ଗତକାଲି ସନ୍ଧ୍ୟାରେ ମଣ୍ଡଳ ପାରାୟଣ, କଳଶ ଯାତ୍ରା, ନବଶକ୍ତି ଅଗ୍ନି ସ୍ଥାପନ ପରେ ମା କାଳୀଙ୍କ ପୂଜା କରାଯାଇଥିଲା | ପଣ୍ଡିତ ସଂଜୀବ କୁମାର ପଣ୍ଡା ପୂଜା କାର୍ଯ୍ୟ କରୁଛନ୍ତି ଓ କର୍ତ୍ତା ଭାବେ କୈଳାସ ବେହେରା ବସିଥିଲେ l ସେହିପରି ଶିବାନୀ ମାର୍କେଟ ଠାରେ ପୂଜାକାର୍ଯ୍ୟ ମାନସ ମିଶ୍ର କରିଥିବା ବେଳେ କର୍ତ୍ତା ଭାବେ ପ୍ରଭାତ ମହାପାତ୍ର ବସିଥିଲେ l