ମହିଳାଙ୍କ ରହସ୍ୟ ଜନକ ମୃତ୍ୟୁ ହତ୍ୟା ସନ୍ଦେହ

ବୌଦ୍ଧ,୧/୧୧ – ଆଜି ସକାଳୁ ବୌଦ୍ଧ ଥାନା ବୀରନରସିଂହପୁର ଗ୍ରାମ ପଂଚାୟତର ବୀରରାମଚନ୍ଦ୍ରପୁର୍ ଗ୍ରାମର ମୁଣ୍ଡିପଟୀ କେନାଲ ନିକଟରୁ ଜଣେ ମହିଳାଙ୍କ ଶବ ପୋଲିସ୍ ଉଦ୍ଧାର କରିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ବୀରରାମଚନ୍ଦ୍ରପୁର୍ ଗ୍ରାମର ଅଷ୍ଟମୀ ଜେନାଙ୍କ ସ୍ତ୍ରୀ ସଂତୋଷିନୀ ଜେନା (35) ଭୋର ସମୟରେ ଉଠି ଘର ଠାରୁ ପ୍ରାୟ 300 ମିଟର ଦୂର କେନାଲ ଆଡକୁ ଶୌଚ ପାଇଁ ଘରୁ ଯାଇଥିଲେ l ସେ ବହୁ ସମୟ ଧରି ଘରକୁ ଫେରି ନଥିବା ଯୋଗୁଁ ଘର ଲୋକ ଆଶ୍ଚର୍ଯ୍ୟ ହୋଇଥିଲେ l କିଛି ସମୟ ପରେ ସଂତୋଷିନୀଙ୍କ ଶବ ଗ୍ରାମର ମୁଣ୍ଡିପଟୀ କେନାଲ ନିକଟରେ ପଡିଥିବା ପ୍ରତ୍ୟକ୍ଷଦର୍ଶିଙ୍କ ସୂତ୍ରରୁ ଖବର୍ ପାଇଥିଲେ l ଏ ସମ୍ପର୍କରେ ବୌଦ୍ଧ ପୋଲିସ କୁ ଖବର୍ ଦିଆଯାଇଥିଲା l ପୋଲିସ୍ ଶବକୁ ଜବତ କରି ପୋଷ୍ଟମୋଟମ ପାଇଁ ବୌଦ୍ଧ ଆଣି ପରେ ପରିବାରବର୍ଗଙ୍କୁ ହସ୍ତାନ୍ତର କରିଥିଲା l ସଂତୋଷିନୀଙ୍କ ମୁଣ୍ଡରେ କ୍ଷତ ଚିନ୍ହ ଥିବା ବେଳେ ମୁହଁ ରେ ପିନ୍ଧା ଲୁଗା ଗୁଡେଇ ଦିଆଯାଇ ଥିବାରୁ ଏହା ଗୋଟିଏ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି l ପୋଷ୍ଟମଟମ ରିପୋର୍ଟ ଆସିବା ପରେ ମୃତ୍ୟୁର ଅସଲ କାରଣ ଜଣାପଡ଼ିବ ବୋଲି ପୋଲିସ୍ ପ୍ରକାଶ କରିଛି |