ବୌଦ୍ଧ,୧୯/୨ – ଗତକାଲି ସନ୍ଧ୍ୟାରେ କଣ୍ଟାମାଳ ଥାନା ଲମ୍ବସରୀ ଗ୍ରାମ ପଞ୍ଚାୟତ ରେକଡୋଲ ଗ୍ରାମ ପାଟରା ସାହି ନିକଟରେ ଗୋଟିଏ ଟ୍ରାକ୍ଟର ଓଲଟି ପଡ଼ିବାରୁ ଡ୍ରାଇଭର ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ସନ୍ଧ୍ୟାରେ ଲମ୍ବସରୀ ପଞ୍ଚାୟତ ଖମାର ଗ୍ରାମର ଗୋଟିଏ ଟ୍ରାକ୍ଟର ରାସ୍ତାରେ ଯାଉଥିବା ବେଳେ ଭାରସାମ୍ୟ ହରାଇ ଓଲଟି ପଡିଥିଲା l ଦୁର୍ଘଟଣାରେ ଟ୍ରାକ୍ଟର ଡ୍ରାଇଭର ରେକଡୋଲ୍ ଗ୍ରାମର ସୁଶାନ୍ତ କ୍ଷେତି (18) ଗୁରୁତର ଆହତ ହୋଇଥିବା ଜଣା ପଡିଛି l ତାଙ୍କୁ ତୁରନ୍ତ ସୋନପୁର ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଓ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ସୁଚନା ମିଳିଛି l