ବୌଦ୍ଧ,୧୪/୮ – ଗତ ବିଳମ୍ବିତ ରାତିରେ ଜାତୀୟ ରାଜପଥ ନମ୍ବର୍ ୫୭ର ସାହାଜପାଲ୍ ନିକଟରେ ଭାରସାମ୍ୟ ହରାଇ ଗୋଟିଏ ବଲେରୋ ଦୁର୍ଘଟଣା ଘଟିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଭୁବନେଶ୍ୱରରୁ କଳାହାଣ୍ଡି ଯାଉଥିବା ଏକ ବୋଲେରୋ ଓ.ଆର ୦୮ ଜି ୮୨୦୦ ବୌଦ୍ଧ ବ୍ଲକ୍ ବlଉଁଶୁଣି ଥାନା ସାହାଜପାଲ ଗ୍ରାମ ନିକଟରେ ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଗୋଟିଏ ଶିମିଳି ଗଛକୁ ଧକ୍କା ଦେବା ପରେ ନିକଟରେ ଥିବା ଏକ ଘର କାନ୍ଥକୁ ମଧ୍ୟ ଧକ୍କା ଦେଇଥିଲା l ଫଳରେ ବୋଲେରୋରେ ଥିବା ଚାରି ଜଣ ଯାତ୍ରୀଙ୍କ ମଧ୍ୟରୁ ଦୁଇ ଜଣ ଗୁରୁତର ଆହତ ହୋଇଛନ୍ତି ଓ ଅନ୍ୟ ଦୁଇ ଜଣ ସାମାନ୍ୟ ଆହତ ହୋଇଥିବା ଜଣାପଡିଛି l ଅନ୍ୟ ଏକ ଗାଡ଼ିରେ ଆହତ ମାନଙ୍କୁ ଡାକ୍ତରଖାନାକୁ ନିଆଯାଇଛି ବୋଲି ପ୍ରତ୍ୟକ୍ଷଦର୍ଶିଙ୍କ ସୂତ୍ରରୁ ଖବର ମିଳିଛି ।