ଫୁଲବାଣୀ: ଓଡିଶା ସରକାରଙ୍କ ପରିବହନ ଓ ଯୋଜନା ସମନ୍ୱୟ ମନ୍ତ୍ରୀ ଶ୍ରୀ ପଦ୍ମନାଭ ବେହେରା କିଛିଦିନ ହେଲା କରୋନାରେ ଆକ୍ରାନ୍ତ ହୋଇ ଭୂବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏହିଖବର ଜଣାପଡିବା ପରେ ମନ୍ତ୍ରୀଙ୍କ ନିଜସ୍ୱ ବ୍ଲକ ତଥା କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକରେ ତାଙ୍କ ସମର୍ଥକମାନେ ତାଙ୍କର ଆରୋଗ୍ୟ କାମନା କରି ବିଭିନ୍ନ ମନ୍ଦିର ମାନଙ୍କରେ ପୂଜାପାଠ କରିଛନ୍ତି । ତେବେ ଶନିବାର ଫିରିଙ୍ଗିଆ ପଂଚାୟତ ସମିତି ଅଧକ୍ଷ ଲାଲନନ୍ଦା ପ୍ରଧାନଙ୍କ ନେତୃତ୍ୱରେ ଫିରିଙ୍ଗିଆ ବନ୍ଧଗଡର ଆଧିଷ୍ଟାତ୍ରୀ ଦେବୀ ମା ବରାଳଦେବୀ ମନ୍ଦିର , ପୋଡାପଡା ଠାରେ ଥିବା ନୃସିଂହ ଭଗବାନଙ୍କ ମନ୍ଦିର , ଫିରିଙ୍ଗିଆ ବ୍ଲକ ମୁଖ୍ୟାଳୟଠାରେ ଥିବା ଫିରିଙ୍ଗିଆର ଆଧିଷ୍ଟାତ୍ରୀ ଦେବୀ ମା ପିତାବଳୀ ମନ୍ଦିର, ଜଗନ୍ନାଥ ମନ୍ଦିର ,ମନ୍ତ୍ରୀଙ୍କ ପୈତୃକ ଗାଁ ଫିରିଙ୍ଗିଆ ବ୍ଲକ ନୁଅାଁପଦର ଠାରେ ଥିବା ମା ଭୈରବୀ ମନ୍ଦୀର ଓ ଫିରିଙ୍ଗିଆ ଶିବମନ୍ଦିର ଠାରେ ସାମୋହିକ ଭାବରେ ମନ୍ତ୍ରୀ ଙ୍କ ଆରୋଗ୍ୟ କାମନା କରି ଦୀପଦାନ କରିବା ସହ ପୂଜା ଅର୍ଚନା କରାଯାଇଥିଲ।। ଏହି ସମୋହିକ ଦିପଦାନ ଓ ପୂଜା ଅର୍ଚନା ସମୟରେ ପନଚାୟତ ସମିତି ଅଧକ୍ଷ ଙ୍କ ସହ ବରିଷ୍ଟ ବିଜେଡି ନେତା ପ୍ରମୋଦ କୁମାର ସିଓ , ଶିକ୍ଷାବିତ ତ୍ରିନାଥ କହଁର , ଯୁବ ବିଜେଡି ନେତା ରାଜା ଦାସ , ପ୍ରକାଶ କୁମାର ରଣା, ମନ୍ତ୍ରୀଙ୍କ ସାନଭାଇ ତଥା ବରିଷ୍ଟ ବିଜେଡି ନେତା ପ୍ରଦୀପ କୁମାର ବେହେରା , ବନ୍ଧଗଡ ଅଂଚଳର ଜଣାଶୁଣା ସମଜସେବୀ ଶଙ୍କର ପ୍ରଧାନଙ୍କ ସହ ବହୁ ଲୋକ ଉପସ୍ଥିତ ଥିଲେ । ତେବେ ମନ୍ତ୍ରୀ ପଦ୍ମନାଭ ବେହେରାଙ୍କ ସ୍ୱସ୍ଥ୍ୟାବସ୍ଥା ବର୍ତ୍ତମାନ ଠିକ ଥିବା ଜଣପଡିଛି ।