ସୋନପୁର :ଅଖିଳ ଭାରତ ଯୁବ କଂଗ୍ରେସ କମିଟିର ଅନୁମୋଦନ କ୍ରମେ ଓଡ଼ିଶା ରାଜ୍ୟ ଯୁବ କଂଗ୍ରେସ ସଭାପତି ଡ.ସ୍ମୃତିରଞ୍ଜନ ଲେଙ୍କା ରାଜ୍ୟର ୧୦ଟି ସାଂଗଠନିକ ଜିଲ୍ଲା ମଧ୍ୟରୁ ସୁବର୍ଣ୍ଣପୁର ଜିଲ୍ଲା ପାଇଁ ଟାଣୁଆ ଯୁବନେତା ପ୍ରିୟବ୍ରତ ସାହୁଙ୍କୁ ଯୁବ ସଭାପତି ଭାବରେ ନିଯୁକ୍ତ କରିଛନ୍ତି । ପ୍ରିୟବ୍ରତ ୨୦୧୦ ମସିହାରୁ ସକ୍ରିୟ ରାଜନୀତିରେ ରହିବା ସହ ଦଳମତ ନିର୍ବିଶେଷରେ ସେ ସମସ୍ତଙ୍କର ପ୍ରିୟଭାଜନ ହେବା ସହ ସମସ୍ତ ଯୁବ ମହଲରେ ବେଶ ପରିଚିତ । ବିଭିନ୍ନ ସମୟରେ ସେ କୋଶଳ ଆନ୍ଦୋଳନର ଏକ ଆଗଧାଡିର ନେତା ଭାବେ ସମସ୍ତ କୋଶଳାଞ୍ଚଳରେ ସେ ପରିଚିତ ରହିବା ସହ ବିଭିନ୍ନ ଆନ୍ଦୋଳନରେ ତାଙ୍କର ସକ୍ରିୟ ଯୋଗଦାନ ତାଙ୍କୁ ବେଶ ଲୋକପ୍ରିୟ କରିପାରିଛି । ବିଶେଷ କରି ବିଭିନ୍ନ ସମୟରେ ସେ କଂଗ୍ରେସ ଦଳର ଆଇଏନଟିୟୁସି ଜିଲ୍ଲା ସଭାପତି, ରାଜ୍ୟ ସୋସିଆଲ ମିଡ଼ିଆ ସଦସ୍ୟ ଓ ସଂପାଦକ ରହି ଦକ୍ଷତାର ସହ କାର୍ଯ୍ୟ ତୁଳାଇଥିବା ବେଳେ ଦଳର ସଂଗଠନ ବୃଦ୍ଧି କରିବାରେ ତାଙ୍କର ଅବଦାନ ଅନେକାଂଶରେ ପ୍ରତିପାଦନ କରିବାରେ ସେ ସଫଳ ହୋଇଛନ୍ତି । ଜିଲ୍ଲା ଯୁବ ସଭାପତି ଭାବରେ ତାଙ୍କର ନିଯୁକ୍ତି କୁ ସବୁ ମହଲରେ ସ୍ୱାଗତ କରାଯାଇଛି