କଣ୍ଟାବାଞ୍ଜି:ବଙ୍ଗମୁଣ୍ଡା ବ୍ଲକ ଅନ୍ତର୍ଗତ ସିନ୍ଧକେଲା ସ୍ଥିତ ସାହୁ ଭବନ ରେ ବିଜୁ ଜନତା ଦଳ ପକ୍ଷରୁ ଜୀବନ ବିନ୍ଦୁ ରକ୍ତ ଦାନ ଶିବିର ଅନୁଷ୍ଠିତ ହେଇଛି । ଏହି କାର୍ଯ୍ୟକ୍ରମରେ ମନ୍ତ୍ରୀ ତଥା ଟିଟଲାଗଡ ବିଧାୟକ ଶ୍ରୀମତୀ ଟୁକୁନି ସାହୁ, କଣ୍ଟାବାଞ୍ଜି ପୂବତନ ବିଧାୟକ ଆୟୁବ ଖାଁ, ବିଜେଡି କୃଷକ ମୋର୍ଚ୍ଚ ସଭାପତି ଅଜୟ କୁମାର ଦାସ ରକ୍ତଦାତାମାନଙ୍କୁ ସ୍ୱାଗତ ଓ ଧନ୍ୟବାଦ ଜଣାଇଛନ୍ତି । ଏହି ଅବସରରେ ପାଟଣାଗଡ ବିଧାୟକ ସରୋଜ ମେହେର ସହ ଅନ୍ୟ ବରିଷ୍ଠ ନେତା ଉମାକାନ୍ତ ସାହୁ, ନରେଶ ଅଗ୍ରୱାଲ, ସୁବାସ ଜୈନ, ରୁବେଶ ବେହେରା, ବୁଲୁ ସିଂହଦେଓ ଓ ଅନେକ କର୍ମୀ ସହଯୋଗ ଦେଇଛନ୍ତି । ବର୍ତ୍ତମାନ କରୋନା ମହାମାରୀରୁ ରକ୍ତ ଅଭାବରୁ ହେଉଥିବା ମୃତ୍ୟୁହାରକୁ ହ୍ରାସ କରିବା ପାଇଁ ମୋ ସରକାର ଜୀବନ ବିନ୍ଦୁ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା । ୧୦୦ ୟୁନିଟ ରକ୍ତ ସଂଗ୍ରହରେ ଏହି ଶିବିର ସାର୍ଥକ ହେଇଛି । ବର୍ତ୍ତମାନ ମହାମାରୀ ସମୟରେ ନିୟମକୁ ଆଗରେ ରଖି ଏହି କାର୍ଯ୍ୟକ୍ରମକୁ ସଫଳ କରାଯାଇଥିଲା ।