ଭୁବନେଶ୍ୱର : ଖଣ୍ଡପଡା ବିଧାୟକ ତଥା ବିଶିଷ୍ଟ ସାମ୍ବାଦିକ, ସମ୍ବାଦର ସଂପାଦକ ସୌମ୍ୟରଂଜନ ପଟ୍ଟନାୟକଙ୍କୁ କରୋନା ହୋଇଥିବା ଜଣାପଡିଛି । ବିଧାୟକ ଶ୍ରୀ ପଟ୍ଟନାୟକ ନିଜେ ଟ୍ୱିଟ୍ କରି ଏହା ସୂଚନା ଦେଇଛନ୍ତି । ସେ ତାଙ୍କର ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି ଯେ, ଗତ ସପ୍ତାହରେ ମୋ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିବିଶେଷ ଓ ବନ୍ଧୁମାନେ ଡାକ୍ତରୀ ପରାମର୍ଶ ନେଇ ନିଜର କୋଭିଡ ଟେଷ୍ଟ କରାଇନିଅନ୍ତୁ । ଏହା ପୂର୍ବରୁ ବରଗଡ ସାଂସଦ ସୁରେଶ ପୂଜାରୀଙ୍କ ସମେତ ରାଜ୍ୟର ୪ ବିଧାୟକ ଏବଂ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କରୋନା ପଜିଟିଭ ଭାବେ ଚିହ୍ନଟ ହୋଇଥିଲେ । ଇତି ମଧ୍ୟରେ ରାଜ୍ୟର ୪ ବିଧାୟକ କରୋନା କବଳରୁ ମୁକୁଳିଥିବା ବେଳେ ଶ୍ରୀ ପୂଜାରୀ ଓ ଶ୍ରୀ ପ୍ରଧାନ ଏବେ ମଧ୍ୟ ଚିକିତ୍ସିତ ହେଉଛନ୍ତି ।