ରାସ୍ତାରେ ଦବିଲା ସାର ବୋଝେଇ ଟ୍ରକ

ବୌଦ୍ଧ ,୧୩/୧୦- ଆଜି ସକାଳ ପ୍ରାୟ ଘ 6. 30 ମିନିଟ ସମୟରେ ବୌଦ୍ଧ ସହର ଉପକଣ୍ଠରେ ଥିବା ସରସରା ଗ୍ରାମ ପଂଚାୟତର ସାନ ବଙ୍କାପଡା ଗ୍ରାମ ରାସ୍ତାରେ ଗୋଟିଏ ସାର ବୋଝେଇ ଟ୍ରକ ଚକ ଦବି ଯିବାରୁ ଯାତାୟତରେ ପ୍ରତିବନ୍ଧକ ହେଉଛି l ମିଳିଥିବା ସୂଚନା ଅନୁଯାୟୀ ଦୁଇଟି ଟ୍ରକରେ 300 ବସ୍ତା ଲେଖାଏଁ ସାର ବୋଝେଇ ହୋଇ ସାନ ବଙ୍କାପଡା ଗ୍ରାମର ଜଣେ ବ୍ୟବସାୟୀଙ୍କ ଗୋଦାମକୁ ଆସୁଥିଲା l ଗୋଟିଏ ଟ୍ରକ୍ ଗୋଦାମ ନିକଟରେ ପହଂଚି ଯାଇଥିବା ବେଳେ ଅନ୍ୟ ଗୋଟିଏ ଟ୍ରକ୍ ଓଡ଼ି 01 ଏଲ 5679 ଭାରସାମ୍ୟ ହରାଇ ରାସ୍ତା ତଳକୁ ଖସି ଯିବାରୁ କାଦୁଅରେ ଚକ ପଶି ଯାଇଥିଲା l ଗ୍ରାମ ରାସ୍ତାଟି ସଂକୀର୍ଣ୍ଣ ଥିବାରୁ ଗ୍ରାମକୁ ଅନ୍ୟ ଯାନବାହାନ ଯିବା ଆସିବାରେ ଅସୁବିଧା ହେଉଥିବା ଦେଖିବାକୁ ମିଳିଥିଲା l